有幸趕喺3月底喺怡東軒飲到餐茶
試哂一系列經典點心真係好滿足
老土講句 經典之所以成為經典
真係唔係冇原因架
其實齋睇相都知
唔需要再點樣形容
告別怡東軒 當然要叫哂佢嘅招牌菜啦
雙生金魚餃伴鮑魚燒賣
賣相靚到啲魚真係似游緊水
仲要一雙一對咁食架
懷舊灌湯餃
我地有澎湃灌湯餃陣
全餐最鍾意就係灌湯餃
我覺得係我食過湯汁最濃郁嘅灌湯餃
可惜而家已經唔多地方食到傳統灌湯餃啦
連怡東軒都冇啦 不過都叫食過呀 無憾呀 哈哈
綠萼紅梅鴛鴦菌
呢個係菇全部都係菇
其實係香煎野菌包同松茸蝦膠釀花茹
又靚又好食呀
紫氣東來龍皇腸
有氣勢嘅蝦腸
盆栽小蘿蔔
好得意嘅盆栽
外面好脆 入面好多餡料
香蔥蟹肉燴飯
綠色嘅飯呀
呢個真係超好食呀
仲有豉油皇炒麵
呢個腸粉又係無得輸
最後最後點少得甜品呢
個芝麻卷好好好好食
超級煙韌
真係每樣野都無可挑剔呀
喺臨別之前有幸食到咁多招牌菜
再講一次無撼呀 哈哈
不過都真係唔捨得呀！
