蒙麵

营业中

休息中

甚少寫食評，一來60幾蚊嘅車仔麵實在太名過於實，二來是侍應的態度。以前過佢出名嘅燒叉燒，睇別人的食評抱太大期望去，結果一試太鹹，而多人嗌的菜圃蛋亦是整定，就好似食三送飯的一送，沒太大驚喜。事隔多年再試多次，今次叫熱門的番茄湯底，招牌蒙麵，最主要想試小食香草雞翼（$25/3隻）。車仔餸叫了枝竹、蠔油冬菇、煎蠔仔蛋，正常發揮，湯底不過不失，過於被吹捧。香草雞翼實在太鹹，好像當初食叉燒一樣鹹，寧願食三哥/譚仔的雞翼好味得多。另外個人不太喜歡蒙麵的質感，叫薯粉會比較好。今餐盛為90蚊，雖然每樣餸都份量充足，但車仔麵來說頗貴。至於那位呀姐的態度，雖然看到紙上寫到車仔麵要三餸起，但我好好語氣問她若我叫了小食，可否叫兩餸，怕食唔哂，她的反應直接：「車仔麵係車仔麵，小食還小食，見唔見到兩張紙呀！」落雨濕濕，我兩手都拿著東西，連著外賣板和筆給她，她很不耐煩的樣子把筆放回原處，嫌我沒有將筆放回去，我心中已諗幾好食都好，不會有下次，幸好味道都沒有讓我回頭的感覺。