好湯好麵

营业中

休息中

成日聽人講到好好食，今日專程去一試究竟，擔心要排隊所以選擇過左午市時間去，可以即時入座無需等候！見到其他客人都係食海皇湯麵所以都不作考慮直接落單，上菜速度快！即刻試啖湯先！事實上湯係好味，濃厚蝦味只不過個麵同其他餸就好普通，蝦好明顯係急凍蝦而且處理得唔好連腸都無清除，帶子老左少少感覺只係白灼而無經過煎煮欠缺風味，廣島蠔就的而且確係急凍廣島蠔帶住淡淡蠔腥味，最後個陽春麵完全同個麵脫離左關係，食落去係淡而無味。整體而言只係得個湯好味，有失好湯好麵嘅招牌而且並不值得專程去食更何況要排長龍嘅話更加唔會考慮。