薔紅

营业中

休息中

平日夜晚嚟食，發現入面全場爆滿，出面仲要等位。見到大部份人枱上面都係呢一隻燒春雞，大家都帶住手套用手食，個樣好滋味。我都叫咗燒春雞配意粉。隻雞熱辣辣，外皮香脆，入面啲肉多油多汁，帶住手套一路食，啲雞油肉汁一路流落手踭。隻雞係真係好好食，但要小心會焫親個嘴。旁邊嗰啲意粉係茄汁意粉，份量唔算太多，亦都唔係好熱，但蕃茄醬汁勝在夠開胃，食咗好多啖肉之後亦都可以幫手解一解膩。如果唔鍾意食意粉嘅，亦都可以揀飯或者薯菜。