水門雞飯 (萬勤商業大廈)

营业中

休息中

次次行過都見到有好多人排隊，今日星期六見到門口條龍又唔係好長，於是同朋友一齊入去試下。成個餐廳嘅佈局，都真係好似去咗泰國咁，人好多、枱又密，所以嘢食未到之前，店員都提醒我哋唔好將口罩除下。泰式炒金邊粉酸甜中帶辛辣，味道具層次！粉條中集夾住雞蛋、大蝦，不過我覺得太多醬太濕，但都好滋味既。雞肉顏色偏白，雞皮凍過所以爽滑唔油膩。油飯中規中矩，但係可以再香啲再油啲。醬汁妙絕，為平平無奇嘅雞肉同飯提升層次。個湯飲落去只帶有好重嘅胡椒味。試過就算，排隊嘅話，可以留返去泰國再食。