海皇漁港

营业中

休息中

星期五唔使返學,得閑就同親戚飲茶...呢間都算係馬鞍山多人飲茶的酒樓之一,今次因為係平時,所以唔使等位,但大部分的檯都有人坐...如果係假期就要等位,有時都要等幾耐...呢度裝修都唔錯,有兩邊...一邊燈光較暗,有卡位,一邊較光猛...我鍾意燈光較暗果邊,但今次卻去左光猛果邊...中午時段,正價點心唔算平,所以就寫左d特價點心同粉麵飯...白灼菜心:幾脆口,冇渣藥膳鳳爪:鳳爪唔夠入味,杞子,蔘幾好食,蔘苦中帶甜,個湯ok...xo醬蘿蔔糕:蘿蔔糕唔夠入味,但都幾好食...三文魚炒飯飯炒得粒粒分明,唔會黏住哂一舊舊咁,三文魚唔會好咸,加埋d雜菜粒,幾好食...鮑魚撈麵:鮑片大塊,又入味,粗麵夠爽口,吸收左d汁的味,冬菇都夠淋,入味,豬肉,菜心都ok...紫米露:都幾大碗,甜度適中,入面幾多紫米,唔會太-...其實仲叫左粉果,不過我冇食...食完好飽...6個人,埋單一百五十幾,幾抵下...服務都唔錯,d傳菜呀姐有笑容,好禮貌...下次我要坐卡位...