影片
更多
2022-09-16
36 浏览
來一場偽泰國旅行。金鐘既呢間Apinara走精緻泰菜路線，餐牌選擇好多，仲有啲好地道既菜式都食得到。一坐低先有一份小食蝦片。呢個蝦片好香脆鹹鮮，食唔停口。最近有個期間限定既曼谷唐人街滋味Menu，3款菜式試左其中之一既泰式蟹肉奄列。估唔到呢份奄列會咁巨型，俾佢個份量嚇一嚇，仲要好足料！入面同面頭都有大量既蟹肉，鮮味十足。雖然個蛋卷本身煮得熟左少少唔夠滑，但整體都係唔錯既。建議起碼3個人先好點，兩個人真係食唔晒！泰式炒金邊粉係呢度既signature之一。有個蛋網包裹住份Pad Thai。金邊粉炒得乾身又有彈性，味道惹味！仲有鮮蝦等材料好豐富。芒果軟殼蟹米紙卷。芒果同軟殼蟹向來都係絕配，無咩好挑剔。呢個米紙卷亦有紫蘇葉作點綴，幾fresh既一個小食。最後甜品再叫埋榴槤糯米飯收尾。掙扎左少少要芒果定榴槤糯米飯，但榴槤比較少見就點左。榴槤果肉好creamy香滑，份量唔吝惜，糯米飯都好重椰香軟糯。不過雪糕比想像中榴槤味道無咁突出。
金鐘既呢間Apinara走精緻泰菜路線，餐牌選擇好多，仲有啲好地道既菜式都食得到。
一坐低先有一份小食蝦片。
呢個蝦片好香脆鹹鮮，食唔停口。
最近有個期間限定既曼谷唐人街滋味Menu，3款菜式試左其中之一既泰式蟹肉奄列。
估唔到呢份奄列會咁巨型，俾佢個份量嚇一嚇，仲要好足料！
入面同面頭都有大量既蟹肉，鮮味十足。
雖然個蛋卷本身煮得熟左少少唔夠滑，但整體都係唔錯既。
建議起碼3個人先好點，兩個人真係食唔晒！
泰式炒金邊粉係呢度既signature之一。
有個蛋網包裹住份Pad Thai。
金邊粉炒得乾身又有彈性，味道惹味！仲有鮮蝦等材料好豐富。
芒果軟殼蟹米紙卷。
芒果同軟殼蟹向來都係絕配，無咩好挑剔。
呢個米紙卷亦有紫蘇葉作點綴，幾fresh既一個小食。
最後甜品再叫埋榴槤糯米飯收尾。
掙扎左少少要芒果定榴槤糯米飯，但榴槤比較少見就點左。
榴槤果肉好creamy香滑，份量唔吝惜，糯米飯都好重椰香軟糯。
不過雪糕比想像中榴槤味道無咁突出。
张贴
