影片
更多
2025-03-24
361 浏览
喺台灣旅行時食過燒肉Smile，對呢間台灣no.1單人燒肉嘅性價比念念不忘，竟然俾我等到佢嚟香港插旗！最近終於有時間去試吓香港店嘅水準啦！我同朋友分別點咗一個餐，有「日和極上盛合套餐」同埋「SMILE盛合套餐」，等緊食物到時，仲可以去自助吧食嘢～自助沙律吧有好幾款蔬菜同醬料，但真正吸引我哋嘅係旁邊個涼盤吧！海帶、泡菜、小黃瓜加埋十幾款任食，最正係滷鵪鶉蛋，個蛋黃入晒味，放喺爐上面燒兩燒，勁好食！過咗一陣，兩個套餐就到～店員特別推薦升級做韓式雪蟹膏拌飯，一嚟就好大驚喜！配料鋪到滿晒之餘，竟然仲有魚籽喺中間！惹味到未開始燒肉就已經食咗半碗飯～跟餐仲有個濟州海帶豆腐湯，但燒肉當然要飲多啲嘢啦！我哋加錢點咗鳳梨冰茶同埋冬瓜檸檬，飲品勁大杯唔會飲兩啖就冇，仲方便帶走，正！肉類同喺台灣食嘅一樣，全部都好高質，我哋叫嘅套餐仲有海鮮食，真係超豐富！不過熱愛牛舌嘅我，心思思都係再點多個蔥鹽牛舌（日式麻油椒鹽）$88，結果俾個咁有誠意嘅份量嚇到！而佢個牛舌都好好味，極之抵！差啲唔記得我哋仲加咗兩個甜品，分別係焦糖布蕾同埋黑糖白玉，食完啱啱好，大滿足！食完餐飯，未出門口已經同朋友講話要再帶其他朋友嚟再食！佢
我同朋友分別點咗一個餐，有「日和極上盛合套餐」同埋「SMILE盛合套餐」，等緊食物到時，仲可以去自助吧食嘢～
自助沙律吧有好幾款蔬菜同醬料，但真正吸引我哋嘅係旁邊個涼盤吧！海帶、泡菜、小黃瓜加埋十幾款任食，最正係滷鵪鶉蛋，個蛋黃入晒味，放喺爐上面燒兩燒，勁好食！
過咗一陣，兩個套餐就到～店員特別推薦升級做韓式雪蟹膏拌飯，一嚟就好大驚喜！配料鋪到滿晒之餘，竟然仲有魚籽喺中間！惹味到未開始燒肉就已經食咗半碗飯～
跟餐仲有個濟州海帶豆腐湯，但燒肉當然要飲多啲嘢啦！我哋加錢點咗鳳梨冰茶同埋冬瓜檸檬，飲品勁大杯唔會飲兩啖就冇，仲方便帶走，正！
肉類同喺台灣食嘅一樣，全部都好高質，我哋叫嘅套餐仲有海鮮食，真係超豐富！不過熱愛牛舌嘅我，心思思都係再點多個蔥鹽牛舌（日式麻油椒鹽）$88，結果俾個咁有誠意嘅份量嚇到！而佢個牛舌都好好味，極之抵！
差啲唔記得我哋仲加咗兩個甜品，分別係焦糖布蕾同埋黑糖白玉，食完啱啱好，大滿足！食完餐飯，未出門口已經同朋友講話要再帶其他朋友嚟再食！佢哋平日好似有啲更加平嘅套餐，門口廣告話$58起咋，真係唔好錯過！
张贴
