焼肉スマイル (燒肉smile)

依家去食燒肉，唔使一定要約埋一大班朋友，最近台灣過江龍人氣單人燒肉店登陸咗香港，盛合套餐內容豐富，性價比高，就算一個人都可以獨享燒肉樂趣，燒爐用咗日本無煙設計不怕有味道餐廳座位都好寬躺，就算一班人過嚟，都有四人卡位，燒肉嘅選擇除咗牛肉，仲有豬肉，雞，海鮮，由於餐廳都使用冷藏肉，肉質更鮮甜軟嫩多汁餐廳已經放咗兩款燒肉汁，七味粉，鹽等俾大家自由調味，所有燒肉套餐，都有三款調味俾你選擇，分別係日式麻油椒鹽，和風醬燒，韓式辣拌醬✨牛肉盛合套餐一個盛合已經有四款牛肉，分別係牛五花、板腱牛排、牛橫膈膜、蔥鹽牛舌，牛五花分佈平均，油脂感豐富，牛橫膈膜，油花冇咁重，但牛味比較濃，牛舌顏色仲好粉嫩，非常厚切，爽口彈牙，一啲根都無套餐仲包括泡菜，椒鹽鹽蔥，越光米飯，湯品，套餐滿$128仲可以免費升級蔥花蘭王玉子飯，生雞蛋蛋黃橙黃色，蛋味極濃，同白飯一齊食，可以話係最佳絕配✨豚肉盛合套餐分別有四款豬肉，豚五花、厚切豚梅花、松阪豚、豚老饕，豚五花肉汁豐富，肥瘦度適中，油脂感突出，但又唔會過分肥膩，松阪豚肉質結實，清爽，脆口✨板腱牛牛肉嘅大理石花纹，係高質素嘅牛肉，油脂甘香且充滿肉香，口感相嫩滑多汁，牛肉味更濃