焼肉スマイル (燒肉smile)

营业中

休息中

最近我同朋友去咗一間台灣相當人氣嘅燒肉店。店內每個座位都有一人專屬烤爐，採用無煙設計，燒肉時唔會有太多氣味留喺身上，的確唔錯。日和極上盛合套餐
套餐包括日本A5和牛、西班牙伊比利黑豚、無骨牛小排、龍躉石班同鮮蝦，加配左日式蔥花玉子飯和濟州海帶豆腐湯。食材新鮮，肉質鮮嫩多汁，特別係入口即溶嘅日本和牛。SMILE盛合套餐
套餐有無骨牛小排、松阪豚、牛橫隔膜同冷藏雞腿肉，仲包括北寄貝、鮮蝦和鱸魚菲力，搭配越光米飯、雪濃牛骨湯和芒果奶酪。雪濃牛骨湯用料十足，略略帶着豆乳味，口感唔錯，芒果奶酪亦唔會太甜。我哋仲點左雞膝軟骨、雞心串和蔥鹽薄切牛舌，蔥鹽牛舌口感爽脆，味道適中，令人印象深刻。燒肉店菜式多樣，食材新鮮，環境舒適。沙律及韓式小菜係半自助放題，冇額外收費，如果想搵個地方聚餐或者獨自享受美食，係唔錯嘅選擇。