燈籠滷味 (新都會廣場)

营业中

休息中

今日睇完想見你，就好掛住台灣既美食，所以朋友就帶我黎葵芳呢間燈籠滷味，裝修非常有台灣地道風味，就好似去左台灣既夜市一樣。而且仲非常抵食，我地叫左個「豪豪吃」二人套餐，都員係$198。有一款足夠二人份量既麵食，兩款小吃同埋兩杯飲品，兩個人真係食到捧住個肚走。招牌燈籠滷味有好多餸，蹄膀、豬耳朵、甜不辣、花枝丸、百頁豆腐同高麗菜，全部都係滷過，好入味，麵底有六款選擇，我就揀左台灣王子麵，口感有點似我地既福麵。Shake Shake 海苔鹽酥雞鹽酥雞外皮粉漿夠薄，炸到酥脆，雞肉嫩滑，咬落去依然好juicy，好似Shake Shake薯條咁，會俾個紙袋同海苔粉你Shake，Shake完既雞有好香海苔味。台式香蒜腸台灣腸不嬲都係我既至愛，無論係咩咩我都喜歡。台味奶茶、蜂蜜荔枝紅茶台味奶茶：奶味較重，但茶味依然香濃。蜂蜜荔枝紅茶：唔會太甜，蜂蜜味夠清甜。