灣仔新開咗一間主打手工麵嘅台式小店，見到 menu 嘅菜式幾特別，好奇心驅使吓同朋友嚟咗一嚐佢哋嘅菜式。小店走人情味路線。入面裝修簡約摩登，有可愛嘅公仔係度食緊麵嘅霓虹燈。Menu 講名堅持用每日新鮮製嘅手工麵做菜式主食。整體嚟講都唔錯嘅，價錢實惠，菜式比一般台式小店多。Menu 有介紹好幾款手工麵條，
鎮店蟹皇拌「每個人心中都有一碗麵。」
灣仔新開咗一間主打手工麵嘅台式小店，見到 menu 嘅菜式幾特別，好奇心驅使吓同朋友嚟咗一嚐佢哋嘅菜式。小店走人情味路線。入面裝修簡約摩登，有可愛嘅公仔係度食緊麵嘅霓虹燈。Menu 講名堅持用每日新鮮製嘅手工麵做菜式主食。整體嚟講都唔錯嘅，價錢實惠，菜式比一般台式小店多。Menu 有介紹好幾款手工麵條，
鎮店蟹皇拌麵 ($98)
呢個時間都仲可以食到蟹皇拌麵過吓口癮真係唔錯～ 價錢實惠，拌麵幾彈牙，橙色嘅蟹皇醬見到都令人開胃。汁嘅味道就偏鹹，濃郁度可以接受，仲有少少嘅蟹膏係面，算系精緻。
嫩雞白布湯闊麵 ($68)
店內嬸嬸介紹試埋呢個闊麵。呢個可以話係一麵兩食，大大碗 (比平日雲吞麵 size 大兩倍)，湯底系清湯嚟，有菜有肉。雞肉粒份量都幾多。呢個湯頭我覺得真係幾好飲，清湯飲落幾細滑、好暖胃。闊麵其實有啲似刀削麵，但仲要再闊啲。刨得幾薄吓容易入口。
秘製香槽醉雞 ($58)
呢個醉雞嘅汁唔會太濃酒味，啱啱好。份量 OK, 雞肉非常嫩滑，幾滿意。唯一就係如果可以再冰凍啲就好喇
韭菜豬肉水餃 ($30)
小妹去食嘅時侯係下午茶時段，人流唔多，見到店員係度包緊餃子，賣相幾靚幾飽滿所以嘴饞嘅我決定要試埋佢地嘅水餃。每粒嘅餡料果然足料，水餃皮幾薄，食前點一點佢哋自己溝嘅甜甜哋嘅醋食，正 ~
