影片
更多
2017-09-20
69 浏览
雖然係夏天, 但係男友鍾意打邊爐既心態係四季如常既今次試呢間101手工涮涮鍋, 係平時只會食拉麵既登龍街, 由於朋友極力推薦, 就同男友及兩個朋友黎試下有幾正入座揀湯底選擇已經好多最後我地要左雞煲, 試下沙茶雞夠唔夠地道好食~呢度係叫完湯底就係MENU揀一邊既靚配料要既~我地揀左安格斯牛肩片同101手工火鍋拼盤果邊∼淨係調味料都有成個九宮格咁多~雖然有一兩樽重覆包括左生蒜炸蒜, 辣椒,芫茜, 蔥, 辣醬等等之後就先叫第一輪飲品食住飲住先~~已經有驚喜啦~~估唔到酒精類(連vodka cocktail都有!) 同埋珍珠奶茶都有任飲!!男人同我都即刻心心眼咁叫酒既叫酒, 叫奶茶既叫奶茶,仲叫左杯可樂沙冰留意到呢度既汽水全部係樽裝, 平時好少有地方任飲係比樽裝∼首先到既係靚牛肩牛肩冇一段肥牛咁多脂肪, 但係又唔會太少令佢韌得濟, 完全係肥瘦適中呀沙茶鍋本身夠味,我淨係加少少蒜就食係啲丸呀餃呀仲煮緊果陣，我地就食住雞鍋本身先∼雞件滑嫩, 我自己就去皮食既, 唔點調味都好入味下∼另外兩樣一定要介紹既就係即炸響鈴同魚皮∼∼響鈴到果陣仲出緊煙架！唔怕熱氣既可以好似我咁直接食唔過一過湯∼脆到好似食緊薯
今次試呢間101手工涮涮鍋, 係平時只會食拉麵既登龍街, 由於朋友極力推薦, 就同男友及兩個朋友黎試下有幾正
入座揀湯底選擇已經好多
最後我地要左雞煲, 試下沙茶雞夠唔夠地道好食~
呢度係叫完湯底就係MENU揀一邊既靚配料要既~
我地揀左安格斯牛肩片同101手工火鍋拼盤果邊∼
淨係調味料都有成個九宮格咁多~雖然有一兩樽重覆
包括左生蒜炸蒜, 辣椒,芫茜, 蔥, 辣醬等等之後就先叫第一輪飲品食住飲住先~~
已經有驚喜啦~~估唔到酒精類(連vodka cocktail都有!) 同埋珍珠奶茶都有任飲!!
男人同我都即刻心心眼咁叫酒既叫酒, 叫奶茶既叫奶茶,仲叫左杯可樂沙冰
留意到呢度既汽水全部係樽裝, 平時好少有地方任飲係比樽裝∼
首先到既係靚牛肩
牛肩冇一段肥牛咁多脂肪, 但係又唔會太少令佢韌得濟, 完全係肥瘦適中呀
沙茶鍋本身夠味,我淨係加少少蒜就食
係啲丸呀餃呀仲煮緊果陣，我地就食住雞鍋本身先∼
雞件滑嫩, 我自己就去皮食既, 唔點調味都好入味下∼
另外兩樣一定要介紹既就係即炸響鈴同魚皮∼∼
響鈴到果陣仲出緊煙架！
唔怕熱氣既可以好似我咁直接食唔過一過湯∼脆到好似食緊薯片咁
之後輪到手工拼盤既料都好正,丸類彈牙有鮮味, 餃就皮薄餡靚足料,松露蝦肉釀大蘑菇陣松露味都好濃好正∼
角落頭我地一開始仲以為係豬血糕果類, 望望menu 原來係墨魚滑∼ 一樣好鮮好正
由於有4個人, 所以我地分左少少quota去揀埋另一邊既台式夜市火鍋拼盤~
滷水內臓試左少少, 因為我唔太食內臟~ 主要係朋友食
我地都覺得算幾好味同幾對味~係去台灣會食到既味黎, 唔錯唔錯~
至於芋圓同紫薯包就比湯底蓋過左個味~不過口感一流呀, 煙煙韌韌咁
食完呢堆我地就開始左叫加配料啦~ 前後叫左三輪配料~
圖片數量有限...淨係貼呢張大集合~
其中最好食既有芝心丸同蟹籽丸~比一般任食好食好多下, 必叫呀
仲有成支筷子咁上下長既蟹棒男友一個人都食左幾條
由於我同另一個朋友都好鍾意個湯底~ 所以都叫左烏冬黎煮黎食下
佢d烏冬都好好, 首先份量唔太大, 岩岩好一個人回味下個湯底~
味道都完全唔會酸或者好散咁, 彈牙好味
男人們未夠喉, 繼續叫左碟牛~
呢碟佢地既feedback係比較濃味~ 湯底加完清湯滾多左一兩次後都可以唔點豉油淨加蒜就食得~
同埋話好滑下~
最後果個甜品我地一致認為香芋味正d~有芋頭味又唔會太甜, 幾清新下
以任飲任食黎講, 呢個價位食到咁正既質素絕對係超班呀
下次男友生日唔洗煩食咩直接過黎就得
张贴
