至尊雲吞麵雞煲

营业中

休息中

我諗呢間至尊雲吞雞煲係屯門都應該算係無人不識！就算係星期一至五，夜晚九點打後都仍然會見到有人排隊！身為屯門友既我，亦都好鍾意食呢間！第一，價錢吸引，平均一人只需$138就可以食到任食雞煲火鍋，呢個價錢相信冇乜嘢其他地方可以食到！第二，辣雞可以無限添食，你食完煲入面嘅雞，可以再叫佢refill，唔鍾意打邊爐嘅，食雞都可以食飽！第三，佢嘅炸饅頭真係好好食！每次見到台台都會五個十個咁叫，加埋煉奶真係好好味！第四，飲品選擇多，平時出去飲汽水多，好快就會飽，但係呢度可以選擇咖啡、奶茶、檸檬茶等等港式飲品，食辣雞配凍檸茶真係好正！