至尊雲吞麵雞煲

好少入嚟屯门食嘢，今次就试吓呢一间鸡煲，见佢价格相宜，所以就嚟一试。我今次系嚟食晚餐，$198/1位，免加一，任食任饮，食到你饱，呢个就咁啱做紧开业20周年优惠，再每位减$20，两位都只系食咗$358😍佢嘅鸡煲我觉得不过不失，都算好多肉，而且味道不错，我叫左BB辣，都算好好食，之后就加汤然后打边炉，不过打边炉啲食物就算普通，不是太出色，不过不失，以价钱来对比，也算性价比合理。喺度食咗一餐晚餐，体验亦相当唔错，因为我算早啲嚟食，当时唔算多人，食食吓中途就开始多人，上菜都算快手，只是我真系食唔到太多啦😂入开嚟屯门，谂唔到食乜，都可以试吓㗎😋…查看更多

晏昼订咗位夜晚食生日饭，一行八人，早咗15分钟到佢叫我喺门口等，等到8:00佢同我讲冇得订位㗎，你再等多半个钟头或以上，但系佢记录又有我嘅Booking，但系又俾唔到枱我哋，真系火都嚟。佢净系话自己负责夜间，唔知点解早更俾我哋订位，佢咩都唔知。即系早间订位夜晚唔负责，咁你就唔好俾人订位啦😡😡山长水远九龙入嚟食把鬼火，最后带住老弱妇孺周街揾嘢食，但系星期六冇订位边有得食呀？我强烈建议呢间餐厅执咗佢啦，订咗位又俾唔到位人😡…查看更多

今日带住2个小朋友一齐用餐，分别1岁同2岁。餐厅写住3岁以上要收半价，但帐单出嘅时候收左2个小童嘅钱，我发现之后同店员查询，店员表示3岁以上先要收半价，我亦表明2位小朋友都未够岁数，但店员只肯退1位小童钱，因为话我地坐咗大枱，而大枱最低消费系3人。 但大枱并非我地要求，我地系可以坐2人枱。如果店内有咁嘅规定应该一早写明，或者安排入座时讲清楚，等我地可以决定要坐大枱定细枱，或者唔食。而唔系食紧，发现有问题，唔退钱又唔比我地转枱，店内讲明收费跟岁数又唔跟。摆明就系呃钱！讲一套做一套。以后都不会再帮衬！…查看更多

今日黎屯门做野行过见到坐满人，到午饭时间就去试下，叫左个双拼捞面，份量大，料足味道好，而且餐牌琳琅满目多选择，绝对会回头再食！价值仲要系平民价，好多野食都比其他茶记平同抵食。而且期间都留意到好多熟客同d职员有倾有笑，有呢d质素同服务，唔怪得生意兴隆平日做野都成日食茶记，但好少见到云吞面店有咁多选择，除左道地云吞面个d之外，仲有芝士捞面，米线，酸菜鱼，镬气炒粉面饭，，台式肉燥饭，仲有好多小食，呢间绝对系值得支持既道地餐厅！…查看更多

鸡质素不错，鸡肉唔系嚡熠熠六个人可以叫两个煲。不过要早啲攞位，见到其他食客 六人坐四人枱！边炉方面， 厨房系唔会睇你纸上写嘅数量！我哋写咗10粒芝士竹轮，厨房净系出咗4粒！！！ 所以后尾直接一次过攞咗几张纸，净系要竹轮！猪肉同牛肉都麻麻哋，可以唔洗叫悭返啲位！🥶🥶🥶 …查看更多