影片
更多
2023-11-25
22 浏览
今日嚟到土瓜灣試吓呢間WM cafe，佢嘅價錢好大眾化，特別係酒類都唔貴，食物同飲品嘅選擇都夠多。蒜片辣椒白酒大蜆意粉 HKD 148 - 意粉嘅軟硬度適中，係我鍾意意粉嘅質感，配上辣椒，上枱熱辣辣而且好香，我幾鍾意呢個意粉，不過蜆肉嘅size就比較細。溫馨提示，依個意粉比較辣，如果唔食得好辣嘅朋友可能要問吓佢可唔可以小辣。安格斯牛肉芝士漢堡 HKD 168 - 漢堡包加煎荷包蛋打卡得來亦都好有份量嘅感覺！牛肉唔係超級juicy 不過配上蛋汁，所以都還好，薯條係有皮嘅，正常發揮。飲品仲有1蚊生啤優惠同Hoegaaden 只係加10蚊！總括嚟講我覺得餐廳都算坐得舒服，服務都OK。今晚星期五所以等候食物嘅時間比較耐，但都推介比想搵個地方傾偈食晚飯嘅人。
蒜片辣椒白酒大蜆意粉 HKD 148 - 意粉嘅軟硬度適中，係我鍾意意粉嘅質感，配上辣椒，上枱熱辣辣而且好香，我幾鍾意呢個意粉，不過蜆肉嘅size就比較細。溫馨提示，依個意粉比較辣，如果唔食得好辣嘅朋友可能要問吓佢可唔可以小辣。
安格斯牛肉芝士漢堡 HKD 168 - 漢堡包加煎荷包蛋打卡得來亦都好有份量嘅感覺！牛肉唔係超級juicy 不過配上蛋汁，所以都還好，薯條係有皮嘅，正常發揮。
飲品仲有1蚊生啤優惠同Hoegaaden 只係加10蚊！
總括嚟講我覺得餐廳都算坐得舒服，服務都OK。今晚星期五所以等候食物嘅時間比較耐，但都推介比想搵個地方傾偈食晚飯嘅人。
张贴
