入到黎得5張枱仔，星期六晏晝都有2枱客，感覺唔錯。
價錢適中，叫左瑞士芝士Angus burger，炸雞粒 153蚊
漢堡大概10分鐘到枱，顏值一流，靚！
先試一下炸雞粒，雞肉佔得一半，有半粒炸粉，而且炸粉係無味，要點醬，但醬只夠點5粒雞粒... 點解炸雞可以無味架，同韓式又有咩關係
主菜漢堡，包係少脆，好味既，但奇怪既事係雖然埋枱時塊扒係突出兩塊包出面，一咬落去塊扒滑左入去，再咬，再滑入去，咬左3啖都未咬到塊扒，望一望個包，塊扒竟然完整仲係塊包入面，size好細，真係好細，再咬一啖終於連扒一齊咬，味道係有咸味，但唔香牛味，咬多一啖，塊扒碎左，跌左張紙入面，兩塊包就仲係手，狼狽到一個點
外表靚，味道可以，價錢唔值，試下就算了
韓式炸雞粒，可以不試
1
