637
100
89
等级4
1K
0
2020-01-31 139 浏览
今晚約埋屋企人一齊聚一聚, 同屋企人食中菜就走唔甩, 今次我地就揀左去海港城食皮鴨, 聽講依間餐廳非常唔錯, 早幾日就打電話黎book定枱。餐廳環境古色古香得黎好有氣派, 間隔成個半開放包廂咁, 私密度比起一般中菜廳高, 感覺舒適。手拍黃瓜酸得黎有辣勁, 黃瓜拍得散索既汁都多d, 好味。馳名烤鴨有專人係席前片鴨, 離遠都聞到鴨香, 望到佢片落去同時肉汁必出黎個下真係令人流哂口水。鴨分為三部分呈上, 店員亦建議左三個部分不同既食法: 鴨皮(藍莓醬+爆炸糖)新奇有趣既食法, 我地都係第一次食爆炸糖片皮鴨, 首先鴨皮酥脆, 皮下個層脂肪入口即化, 然後油香就會充斥口腔, 配上甜甜地既藍莓醬同係口中霹靂拍勒既爆炸糖, 反而將鴨皮既油膩感中和不少, 而且味道出奇地夾。鴨胸(芥末醬+紫洋蔥+山渣條)又一新式食法, 紫洋蔥我中意, 同京葱帶出既香氣不相伯仲,。芥末醬點牛扒就試得多, 點鴨原來都可以, 幾特別。山渣條甜甜地味道唔太重, 如果中意可以加多少少等味道再出D。鴨腿(烤鴨醬+京葱+青瓜+麵粉皮)不能取替既傳統食法, 肥美既鴨腿肉味香濃, 烤鴨醬同京葱既香氣將鴨香昇華, 麵粉皮都抵讚因為做得薄又
更多
今晚約埋屋企人一齊聚一聚, 同屋企人食中菜就走唔甩, 今次我地就揀左去海港城食皮鴨, 聽講依間餐廳非常唔錯, 早幾日就打電話黎book定枱。

餐廳環境古色古香得黎好有氣派, 間隔成個半開放包廂咁, 私密度比起一般中菜廳高, 感覺舒適。
4 浏览
0 赞好
0 留言

手拍黃瓜
酸得黎有辣勁, 黃瓜拍得散索既汁都多d, 好味。

8 浏览
0 赞好
0 留言


馳名烤鴨
有專人係席前片鴨, 離遠都聞到鴨香, 望到佢片落去同時肉汁必出黎個下真係令人流哂口水。鴨分為三部分呈上, 店員亦建議左三個部分不同既食法:
鴨皮(藍莓醬+爆炸糖)
新奇有趣既食法, 我地都係第一次食爆炸糖片皮鴨, 首先鴨皮酥脆, 皮下個層脂肪入口即化, 然後油香就會充斥口腔, 配上甜甜地既藍莓醬同係口中霹靂拍勒既爆炸糖, 反而將鴨皮既油膩感中和不少, 而且味道出奇地夾。

鴨胸(芥末醬+紫洋蔥+山渣條)
又一新式食法, 紫洋蔥我中意, 同京葱帶出既香氣不相伯仲,。芥末醬點牛扒就試得多, 點鴨原來都可以, 幾特別。山渣條甜甜地味道唔太重, 如果中意可以加多少少等味道再出D。

鴨腿(烤鴨醬+京葱+青瓜+麵粉皮)
不能取替既傳統食法, 肥美既鴨腿肉味香濃, 烤鴨醬同京葱既香氣將鴨香昇華, 麵粉皮都抵讚因為做得薄又夠煙韌, 唔會一拉就爛或者好易穿


8 浏览
0 赞好
0 留言


5 浏览
0 赞好
0 留言


13 浏览
0 赞好
0 留言


3 浏览
0 赞好
0 留言


金銀蛋浸萵筍
萵荀切成條, 好似食緊萵荀麵咁, 上湯清甜伴住大量索哂湯汁既金銀蛋肉碎, 今晚又食烤鴨又食水煮魚依d重味既野, 岩哂我地refresh一下口腔


5 浏览
0 赞好
0 留言


四川水煮魚
原條桂花魚沈浸在紅噹噹既四川辣湯入面, 啖啖肉又滑溜既桂花, 沾染左辣湯香氣同時保留左魚既鮮味。除左魚之外入面仲有豆芽, 寬粉同萵荀條, 全部都係索湯材料, 特別係寬粉食到我唔停得口。

4 浏览
0 赞好
0 留言


4 浏览
0 赞好
0 留言


6 浏览
0 赞好
0 留言


籠仔花膠櫻花蝦海味蒸飯
籠仔飯岩岩蒸好上枱, 打開蓋立時飯香撲鼻, 櫻花蝦令成個飯無論賣相定味道都提昇不少, 仲有乾瑤柱, 花膠, 葱粒等等, 飯粒乾身粒粒分明, 係一籠睇得又食得既咸香海味飯


3 浏览
0 赞好
0 留言


今晚食到飽一飽, 亦都好滿意依度既環境同菜式, 特別係烤鴨, 有創意有賣相有內涵, 果然係招牌菜, 依度已經入左我地屋企既食飯list!
2115 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食