古今二 (荃新天地)

营业中

休息中

又黎到荃灣荃新天地行街 ，行到肚餓又去左古今二食下晚飯，古今二都唔係第一次食，不過佢出餐水準唔錯，都可以再try try 煙花（6件）$79睇住餐牌對煙花呢個名有啲好奇，所以叫左一份黎試下。原來煙花呢到菜係辣味三文魚同辣味吞拿魚加脆片整既壽司🍣， 辣辣地，味道都算新奇。金龍卷$98金龍卷呢到菜次次黎親都係必叫，因為我真係好鍾意食。壽司入面有炸蝦、芝士、鰻魚同脆片。口感十分豐富，炸蝦🍤唔厚粉，再加埋佢地特製既醬料，成件壽司昇華左唔少。龍捲風沙律$76呢份沙律🥗十分抵食同埋好食， 黎親都係必點咁制， 中華沙律同蟹柳絲再加埋沙律菜呢個組合無得輸，而且份量大，鍾意食沙律既朋友一定要叫一份試下安格斯蔥牛卷$72安格斯牛味重，加埋蔥呢個配搭都幾好食 ， 加埋特製燒汁 ，好惹味。鹽燒雞中翼$28鹽味燒雞中翼好多日式餐廳都有，不過要燒得好食都唔係咁易。鹽唔會落得太多岩岩好令到隻雞翼唔會好咸， 雞翼燒到塊皮好脆而且仲可以保持住肉汁，幾好食。