牛大人台灣火鍋吃到飽 (荷李活商業中心)

营业中

休息中

天氣涼涼，真係停唔到想打邊爐既慾望。今次揀左去~牛大人台灣火鍋吃到飽。我地揀左日本A4黑毛和牛火鍋放題套餐，套餐送既每人2粒澳洲M9和牛超重牛香，超Juicy.仲送海鮮拼盤，脹卜卜生蠔、彈牙鮑魚、帶子同蟶子，樣樣新鮮。除左邊爐既鮑魚任吃，小食仲有鮑魚三吃，古法醉鮑魚、炭燒鹽蔥同柚子燒汁口味既鮑魚，各有特色。10款湯底中揀左台灣鳳梨雞鍋，鳳梨配苦瓜，酸甜配搭，開胃滋補，雞肉嫩滑。我同朋友都係牛魔王，一黎就狂點牛黎食，最正梗係日本A4黑毛和牛，油脂平均，入口Juicy。想食啲有咬口既就美國PRIME極級肩里肌或者安格斯特選牛板鍵，油脂較少，肉味濃郁。伊比利亞黑毛豬梅肉，都好好食，油脂豐富似和牛既雪花一樣，肉質細膩爽口。海鮮唔止個海鮮拼盤架，仲有海蝦、沙白、魚片，點左好多沙白食🤣。食到飽飽，食埋甜品就完美，呢度有Häagen-Dazs任食， 好多特別口味，柚子檸檬、 士多啤梨紅桑子、焦糖脆餅、香草藍莓馬卡龍脆皮雪糕批，真係好滿足。