Proton

营业中

休息中

元朗教育路只要搭輕鉄在豐年路站下車過一條小天橋，在永年士多對面.就會見到一間好chill又friendly 的cafe。我已經在這裡吃過幾次，喜歡～上菜快而且仲全部熱辣辣，每次都保持質素。擺盤都幾有心思。Set dinner 在 main course 選擇一款另加幾十蚊就可以食到成set 包埋前菜/湯和甜品飲品如果有寵物嘅朋友還可以坐喺出邊小梳化。我和另一半主菜各吃款海鮮手打意大利麵，意大利麵煙煙韌韌彈牙，他吃的軟殼蟹脆卜卜配上蟹籽汁，大大隻虎蝦，份量十足🥰而我吃的是日式甲羅燒、虎蝦、蟹棒手打意大利麵，個忌廉汁甜甜地，蟹棒勁大條🫶甲羅燒勁多蟹膏，我把蟹膏撈在意大利麵即刻提升晒整個味道，單獨吃甲羅燒的蟹膏也可以☺️Tiramisu的橙酒味濃，手指餅都軟林林滑溜入口即溶。飲品點了無酒精飲品，Rose Latte 拉花很美🍵維持了很久都沒有化開，飲時候有淡淡的玫瑰味。另一杯番石榴羽衣甘藍蘋果菠蘿汁，好健康呀。