影片
更多
2025-04-30
91 浏览
黎呢幢大廈搭升降機按一字，打開門就見到呢個吸睛燈箱，再見到入座率都已八成，心裏暗喜有訂到位。肚餓啦，叫野食。先黎個越式無骨鳯爪沙律 ($52)，望落簡簡單單唔花巧。酸辣度都幾夠，無骨鳯爪相當脆口，索晒D酸辣汁，唔係食落無味道。大量生菜，紫洋蔥，蘿蔔絲及車厘茄及酸辣醋汁，基本上撈埋已經好令人開胃口。香脆食物好難抗拒，見到南越金絲網蝦春卷 ($48)，一客有四條，伴生菜包住食。絲網替代傳統春卷皮來得更鬆脆，入口食到綿滑饀料，單獨點醬汁食又好味D。有蝦仲有蟹，叫埋南越蟹肉絲網卷 ($45)，一客六條，相當抵食。絲網卷系重點係鬆脆位，入口有蟹肉嘅獨有味道，揸住個蟹鉗位食相當霸氣。呢幾款都係新出品，餐單未有，要掃二維碼先見到架。餐廳自家製出品嘅特飲，叫咗斑蘭龍眼茶 ($25)及香茅青蘋果茶 ($25)。送上冰杯保持凍度，甜度適中，幾有消暑感覺，值得一試。要選最能打卡菜式獎，呢客惹火上身鹹檸豬頸肉 ($70)應該當之無愧。侍應點火化成呢一刻，即刻捕捉，幾秒熄滅。豬頸肉質感爽軟，配埋個青檸酸汁中和，一啖一件確係盞。天氣一下子變成初夏，最岩就係食撈檬，咁就黎碗新出品，順化豬肉串撈檬粉 ($68)。三串
肚餓啦，叫野食。先黎個越式無骨鳯爪沙律 ($52)，望落簡簡單單唔花巧。
酸辣度都幾夠，無骨鳯爪相當脆口，索晒D酸辣汁，唔係食落無味道。
大量生菜，紫洋蔥，蘿蔔絲及車厘茄及酸辣醋汁，基本上撈埋已經好令人開胃口。
香脆食物好難抗拒，見到南越金絲網蝦春卷 ($48)，一客有四條，伴生菜包住食。
絲網替代傳統春卷皮來得更鬆脆，入口食到綿滑饀料，單獨點醬汁食又好味D。
有蝦仲有蟹，叫埋南越蟹肉絲網卷 ($45)，一客六條，相當抵食。
絲網卷系重點係鬆脆位，入口有蟹肉嘅獨有味道，揸住個蟹鉗位食相當霸氣。
呢幾款都係新出品，餐單未有，要掃二維碼先見到架。
餐廳自家製出品嘅特飲，叫咗斑蘭龍眼茶 ($25)及香茅青蘋果茶 ($25)。送上冰杯保持凍度，甜度適中，幾有消暑感覺，值得一試。
要選最能打卡菜式獎，呢客惹火上身鹹檸豬頸肉 ($70)應該當之無愧。侍應點火化成呢一刻，即刻捕捉，幾秒熄滅。
豬頸肉質感爽軟，配埋個青檸酸汁中和，一啖一件確係盞。
天氣一下子變成初夏，最岩就係食撈檬，咁就黎碗新出品，順化豬肉串撈檬粉 ($68)。
三串豬肉串，淋上花生碎醬汁，食落更加香口。
凍檬淋上酸醋汁，配埋爽脆蘿蔔絲，清新涼快口感。
越菜另一樣要食嘅當然係法包，呢客係NVN南越法式麵包 ($78)
香脆法包夾住多款材料，包括有肝醬，燻蹄，扎肉，豬耳，醃蘿蔔絲，青瓜及蛋黃醬。一咬入口，先有肝醬嘅香滑，後有燻蹄嘅咸香，再有爽脆嘅豬耳，食半份都幾飽肚。
每樣菜式都唔過一百，可以叫多幾款開心分享，提議最好訂咗位先上去。
张贴
