竹面譜

营业中

休息中

蔥油蛋香茅雞翼飯 $41呢個飯真係好食！蔥油香氣十足，滾油燙過之後，散發出陣陣香味，淋喺太陽蛋上，配埋流心蛋汁，整體口感 creamy濃郁又滿足。白飯底已經預先淋上咗甜豉油，鹹甜比例剛剛好，拌飯一流。香茅雞翼方面，炸衣好酥脆，咬落去有種爽脆嘅滿足感。雞翼醃得入味，肉質緊實，口感紮實而唔會過柴，絕對係今次嘅亮點之一。凍檸茶（走甜，加 $6）平時飲凍檸茶都會走甜，不過呢杯麻麻哋。雖然茶底有茶香，但感覺略為濃澀，走甜後偏苦。整體嚟講，呢個價錢配上呢個質素，真係超抵食！ 蔥油飯同香茅雞翼，味道同性價比都非常高，可以做飯堂。但飲品真係要嗌其他。