火五越式牛肉粉專門店 (其昌樓)

营业中

休息中

今日突然間好想食越南生牛河🧐，咁啱約咗朋友收工之後係佐敦交收，就順便一齊去食個晚餐。記得寶靈街附近有好多餐廳😎。見到有間「火五越式牛肉粉專門店」有生牛河就走咗入去。😉火五火車頭牛肉河一打開餐牌睇到呢個牛肉麵，有生牛肉、熟牛肉、和牛牛丸、扎肉，咩牛都有，對於我呢個牛魔王嚟講好吸引。😍牛肉好腍，❤️牛丸好彈牙、好juicy。個湯底好濃牛肉味。河粉好滑。未到8點嘅時候，聽到店員同其他客人講已經賣晒河粉。😧炸軟殼蟹撈檬🤠平時出面好少見到有呢個。上餐枱嘅時候，我同朋友都「嘩」咗一聲😲，因為我地真係見到碗入面有隻蟹🦀，廚師好好心機砌出嚟，特登整靚出餐，好有驚喜🤩！配上酸甜嘅醬汁，好開胃。🥳星洲黃金蝦球有5件蝦球，鹹蛋黃好惹味。咬落去啖啖蝦肉。😋飲品叫咗1杯”凍越南三式冰”，味道唔太甜。值得一提嘅係呢間絕對係一間良心小店，粉同餸嘅份量本身已經夠多，但如果仲係覺得唔夠飽嘅話，餐廳可以免費添加粉嘅份量。🥰