捌壹壹 (奶路臣街)

营业中

休息中

我一向都好鍾意食酸菜魚😍係旺角行完街，見到有間「捌壹壹」好多人等緊位，睇吓Menu有至愛酸菜魚，啱晒我啦🤩餐廳主打川菜、火鍋同埋雞煲，環境坐得好舒服，店員服務亦好細心。🥢必食冷鍋酸菜魚 $208～ 見到必食兩個字一定要試啦😆仲有「冷鍋」究竟係咩東東🤔 叫完真係好期待😚原來「冷鍋魚」跟火鍋最大嘅不同就係魚鍋已經一早加熱，不用點火馬上可以享用，避免魚肉再加熱時會好容易弄碎。「冷鍋魚」特點係可保持魚肉極之嫩滑之餘，魚肉的豐富營養及精華不會流失，食完主角「魚」之後可加湯繼續打邊爐。呢個例牌既酸菜魚份量都好多，有好多生魚片，厚身肉質又好滑，仲要好鮮甜，非常新鮮🤤叫左微辣，酸菜魚湯底酸酸辣辣好開胃，重點係一啲都唔會好油膩👍🏻冷鍋仲有好多配菜，例如大豆芽丶金菇丶酸菜同埋寬粉，寬粉口感好似啫喱，非常好食又飽肚😋🥢香酥花枝丸 $58～ 呢個小食真係唔錯，花枝丸又大粒又彈牙，炸到金黃色，鬆脆又唔會乾身，送酒🍻一流🥢黑糖糍粑 $35～ 食飽飽都要食埋甜品先至perfect😍甜品黑糖糍粑其實係四川嘅街頭小食，由糯米做成嘅糍粑，炸左之後外脆內軟, 口感煙韌, 上邊有香噴噴的黃豆粉再沾上黑糖, 真係又夾又好味呀