今次去到銅鑼灣鵝頸橋附近的「火鍋隨意門」～
今次試左秘製消暑椰漿雞濃湯鍋都唔錯，湯底用鮮椰肉打成漿配椰青水，椰香加雞香好食而不膩，餐廳選用鬍鬚雞，肉質嫩滑，還帶一絲臘香，雞湯唔住飲左兩碗。
蘋果木煙燻手切牛頸脊（細）牛味濃、帶輕煙香～以冰底盛載，由頭到尾都保持鮮爽，擺盤用心，賣相同味道一樣討好。
黑松露蟹肉餃鮮甜濃郁～餃子擺設用鳥巢，打卡一流～～
手打丸拼盤共十粒，五款齊集👍櫻花蝦豬肉丸、芝心牛肉丸、黑松露墨魚丸、蟹籽鮮蝦丸、鯪魚丸，全是新鮮手打，口感彈牙。逐粒排放在轉盤上，好似去咗遊樂園咁🫨
另外炸枝竹落鍋即吸湯精華～順德魚腐宜略煮即食，免得過腍🤣
娃娃菜吸飽湯底後更清甜～～
自家製竹蔗茅根（一渣）清涼甘甜，一人約可分四杯，食火鍋解膩清熱啱啱好～
整體環境清幽，店員貼心經常加湯，而且食物擺盤精緻～都係一個唔錯嘅體驗🤤
34
