影片
更多
2020-06-14
3017 浏览
今晚我地三兄弟三個家庭連小朋友在自助山替老爸慶祝父親節，雖然價錢貴，但老爸年紀大，以為食好d，沒關係。 結果要分開兩張檯坐, 氣氛差左, 但可能限聚理由，理解，唔緊要。 食物比預期普通(例如沒有蠔) ，種類少，但都算好食， 可能客少市道差問題，理解，唔緊要。最唔習慣係食物台前好多食物都唔俾自己夾，要話由員工放到你碟上，就連湯同沙律都係(但試問沙律蔬菜番茄仔粟米等我想食既份量點樣每樣用口講俾你知?) 可能防疫理由卦，理解，唔緊要。 老媽後來唔舒服話暈，其實係因為個旋轉地台間中會窒一窒，似暈船浪作嘔，可能機械日久失修，理解，都唔緊要。奇怪係八點左右已經走埋黎叫我地點飲品, 大家先食左果一陣，結果d飲品早早放晒檯面，未飲d冰都溶晒。 九點半埋單俾埋貼士，臨走影準備大合照，各人走到兩檯之間時，突如其來有一男聲大喝(係大聲，係喝罵)一句 : "喂~!~刮~花~個~地~下~架~!"大家(包括其他顧客)嚇左一嚇擰轉頭睇乜事，我地鴉雀無聲，原來係一個帶眼鏡的餐廳中年部長近距離(五六呎)在喝罵老父! 原來老人家正話想把旁邊的二人組合小檯移開(可能佢想移開或已移開頂多兩三吋)方便大合照。我係裝修佬，當然一
九點半埋單俾埋貼士，臨走影準備大合照，各人走到兩檯之間時，突如其來有一男聲大喝(係大聲，係喝罵)一句 : "喂~!~刮~花~個~地~下~架~!"
大家(包括其他顧客)嚇左一嚇擰轉頭睇乜事，我地鴉雀無聲，原來係一個帶眼鏡的餐廳中年部長近距離(五六呎)在喝罵老父! 原來老人家正話想把旁邊的二人組合小檯移開(可能佢想移開或已移開頂多兩三吋)方便大合照。我係裝修佬，當然一睇就知無任何事，但我無出聲。部長態度語氣之差，加上我們三家人連父母眾目睽睽下的尷尬，我地都係斯文怕事, 就估唔到連服務水準都係失望到極點。大家當然都無心情影相，老父嚇得呆滯連笑容也沒有了。唉, 唔明點解貼甘多錢要買難受，係咪我地著得寒酸呢? 定係貼士太少呢? 去呢度食自助餐係我一生最錯誤的決定。
题外话/补充资料：
去呢度食自助餐係我一生最錯誤的決定。
(以上食记乃用户个人意见 , 并不代表OpenRice之观点。)
张贴