小魚兒 (金馬大廈)

营业中

休息中

雞煲控必試尖沙咀小魚兒🐠原本以為佢只有烤魚，上到去留意到佢餐牌有雞煲，叫咗全隻重慶雞煲（小辣、中麻），真心夠晒麻辣又濃郁，每啖都辣到出晒汗但又停唔到口，絕對過癮！蔬菜加咗娃娃菜同土豆片，吸晒雞煲汁好惹味。出前一丁就更加邪惡，丁麵唔使落味粉，直接用雞煲湯掛汁，濃味到爆，麵條完全吸晒精華，食完真係冇得輸！新出的牛展（200g）只係$28一份，超抵，不過牛展偏韌啲，建議大家可以煮耐少少會更入味同腍身。燒烤類推介蒜香牛油燒金菇，上枱見到滿滿蒜蓉即刻聞到香味，鍾意食蒜嘅朋友一定要試，牛油同蒜香完美融合，送雞煲一流。小魚兒雞煲麻辣得嚟唔會太死辣，配料選擇多，價錢合理，無論朋友聚會定宵夜都岩晒！