影片
更多
2018-12-31
78 浏览
一講印度菜大家就肯定會諗起咖哩，但印度素菜就真係無聽過，心諗係平時食嗰d咖哩走咗舊肉架姐！但見佢係印度人開嘅，主打正宗南北印度素菜，個menu上面勁多選擇，唔多似得蔬菜咖哩咁簡單啵～而且一眼望入去成間餐廳印度人佔九成，肯定夠正宗啦掛！Pineapple Lassi（$35）我本身好中意食菠蘿，所以有菠蘿味嘅野食野飲我都一定會試Lassi即係係乳酪，嗰種酸奶味好香濃，然後有少少清新嘅菠蘿味，食完又濃又辣嘅咖哩再飲啖，個口即時舒服晒！Strawberry Milk Shake（$45）比起杯Lassi，呢杯Milk Shake就比較普通，但飲落都好幼滑，而且唔係嗰d成口沙冰嘅奶昔，所以感覺健康好多！North Indian Thali（$105）Thali係set meal嘅意思，呢個套餐有一塊硬嘅烤餅同兩塊軟烤餅，中間有一碗蔬菜炒飯，外加個八小碗裝印度料理，一碗係沙律，一碗係甜嘅，其餘都係辣嘅，望落顏色唔同，食落味道同口感分別都真係好大架！而佢個飯我就覺得麻麻，佢應該係預咁比人撈咖哩食嘅，但就真係......無味到一個點......都係中意d烤餅多dPaper Masala Dosa（$
Pineapple Lassi（$35）
我本身好中意食菠蘿，所以有菠蘿味嘅野食野飲我都一定會試Lassi即係係乳酪，嗰種酸奶味好香濃，然後有少少清新嘅菠蘿味，食完又濃又辣嘅咖哩再飲啖，個口即時舒服晒！
Strawberry Milk Shake（$45）
比起杯Lassi，呢杯Milk Shake就比較普通，但飲落都好幼滑，而且唔係嗰d成口沙冰嘅奶昔，所以感覺健康好多！
North Indian Thali（$105）
Thali係set meal嘅意思，呢個套餐有一塊硬嘅烤餅同兩塊軟烤餅，中間有一碗蔬菜炒飯，外加個八小碗裝印度料理，一碗係沙律，一碗係甜嘅，其餘都係辣嘅，望落顏色唔同，食落味道同口感分別都真係好大架！而佢個飯我就覺得麻麻，佢應該係預咁比人撈咖哩食嘅，但就真係......無味到一個點......都係中意d烤餅多d
Paper Masala Dosa（$85）
食晒d烤餅，仲有好多咖哩，就想叫多個烤餅，見人地隔離枱個烤薄卷好似好正咁就叫個試下啦！一上枱真係哇一聲，好鬼大而且仲有多碗薯仔料理，一碗同個set嗰d咖同嘅咖哩汁，仲一小碗白色唔知咩咩汁，但味道都唔錯嘅真心推薦個烤薄卷，又脆又香口，唔加咖哩就咁食都好好味
张贴
