，非常慶幸晚聚剛剛趕得及禁堂食措施生效前夕進行，可以預早慶祝埋聖誕節
。
1
「凱悅酒店」與K11購物藝術館相連，過海搭地鐵最方便，行經商場三樓嘅通道更可直達餐廳:)。
1
酒店餐廳門面光亮時尚。
1
牆身嘅屏風及接待處嘅茶具均流露著中國風。
1
1
用餐大堂樓底高高，散座分隔得好開，環境甚為闊綽。不過有點好奇怪，雖然大堂舖上地毯，食客人數亦不多，但就非常應聲
。
1
相信場內最好坐就係啲獨立式半廂房卡位
，空間感同私隱度都明顯較高。
1
二人有幸被安排入座其中之一張
，厚墊梳化十分舒適。
1
餐桌上有齊備嘅自用及公用餐具。
1
1
當中有個摺得埋嘅紙造口罩套，俾個機會貴客玩吓勞作。
1
另附三款的骰調味醬。調味拼盤原先擺放於餐桌中間，誰不知移開時枱布即黏上留喺拼盤底嘅汁液
，似乎衛生意識欠奉！
1
據悉，手機程式嘅半價優惠只適用於單點菜式，套餐及酒水唔會有折。眼見啤酒最平$80，意大利汽酒更要成$190/杯
，實在唔抵，結果小肥就好乖咁淨飲熱水，不過都要俾$25/位茶錢。
2
1
年輕嘅服務生態度有禮，兩口子脂脂油油地點菜都冇人催促過或俾黑面，有耐性得黎只係欠缺少少熱誠。紅色嘅厚本餐牌中英對照，部分精選項目附有彩圖參考。
1
3
上網可瀏覽只有文字嘅電子版：
https://www.hyatt.com/content/dam/hotel/propertysites/assets/regency/honhr/documents/en_us/dining/cr/The-Chinese-Restaurant-A-La-Carte-Menu.pdf
清酒凍鮑魚（$168/三隻）：墊底嘅黑木耳清涼爽脆，凍鮑魚則厚潤軟腍，個人略嫌主角唔係幾夠酒香及鮮甜，略為失色。
1
香脆蜜椒蟲草花（$90）：重點推介前菜於餐牌上有幅大特寫。
1
橙美亮麗嘅蟲草花砌成一座迷你蟲草花塔，外觀鮮艷震撼
。每條脆卜卜嘅蟲草花非常挺身，由於都塗有一層薄薄嘅香蜜先可以黐得咁穩固。
1
炸蟲草花不單如餸名般香脆鬆化，新穎嘅調味配搭甜美得黎極為輕巧
，實屬必吃也！
1
湯品全部都係續位叫嘅，K哥點咗客「四寶燉萬壽果」（$228/位），賣相如何就等讀者們自己睇相品評。
2
竹笙海皇燕窩羮（$288/位）：小弟碗燕窩羮內嘅竹笙及蝦仁尚算爽身，燕窩及帶子粒亦好軟嫩，無奈食落只有一鼓鹽味，完全食唔出海皇應有嘅鮮香，如果唔係食到海材不同嘅口感，講真差啲以為自己飲緊咸水囉
！
1
1
百花炸釀蟹鉗（$148/隻）：每隻蟹鉗新鮮炸出，故製作需時。蟹鉗金黃色嘅外層熱辣脆巧。
1
中間層厚厚嘅蝦膠係就係好鬆爽彈牙，可惜對慣咗要原汁原味食蟹鉗嘅XO仔黎講就缺乏咗蝦蟹嘅鮮甜，味道就好似半價優惠咁被打咗折頭
。
1
另外印製嘅甜品餐牌有一頁。
2
酥皮流沙盞（$40）：意外地，流沙盞一客有四件之多，雖然細細粒，但其實都幾溜吓。大家進食時當真要小心，因為K哥一口咬落去，啲流沙即標哂出黎，儀態盡失
！
1
甜品以曲奇皮作批底，承載着一粒軟皮流沙湯丸，頂面以酥皮蓋上。個人覺得三個單元分開食還可以食得出上層酥皮，中間粒湯丸流心香濃，組合敗筆在於唔可以一次過入口之外，感覺仲好似夾硬砌出黎咁，毫不和諧及協調
。
1
酒店中餐廳「凱悅軒」環境高雅，光線充裕，服務中規中矩。不知是否因是次用餐以網上飲食平台程式訂座享有半價優惠，食物質素要吻合返，晚餐變相造出「半分錢半分貨」，確真令人失望。最終決定俾個「喊臉」係希望酒店可以檢討後作出適當嘅調整。
