凱悅軒

陳皮，在中醫藥上具有多種功效，既能幫助消化、改善消化不良、緩解胃脹氣、增加食慾、還有止嘔等作用；作為食療入菜，也可用來去腥解膩、增加風味，在粵菜中更是經常會使用到。天氣悶熱，今個盛夏尖沙咀凱悅軒主廚(黃皓勤)，以開胃及增加食慾的「陳皮」為靈感，打造出六道特色美食；採用逾十年的優質陳皮入饌，充份發揮其特色及食療功效，供應期由2025年8月1日至10月31日止。「遠年陳皮特色菜」中有多款菜式選擇，可按自己需求而選取。首先上場的「古法陳皮燻魚」，選用肉質細膩嫩滑，柔軟且厚身的百花鱸魚，魚肉去骨起肉後以陳皮汁醃製，之後再炸至金黃酥脆；陳皮的甘香完全滲透入魚肉之中，配以青瓜薄片及自家製陳皮醬汁，味道香濃且滋味。口感醇厚綿滑的「十二年陳皮花膠燕窩羹」接著上場，羹湯融合了高湯的濃郁，帶有陳皮的溫潤香氣與花膠的膠質口感，搭上細膩雞蓉和燕窩，整體味道和諧又好味。師傅採用肉質肥美軟滑、肉汁豐厚的龍崗雞來製作這味「脆皮茶香雞」，師傅先將雞隻以慢火炸至表皮金黃酥脆，再以香片及普洱混入白飯煙燻製作，打開蓋掩一刻，香氣四溢令人胃口大開；雞肉在吸盡茶香味後，變得更加香濃惹味，咬落皮脆肉嫩又多汁，令人吃後回味無窮。山椒汁野菌炒牛助骨肉～據朋友說牛肋肉鬆化又入味，而旁邊鮮爽翠綠的蜜糖豆及香口的野茵，也提升了這味菜的滋味。甜梅菜肉鬆蒸豆腐～豆腐香甜滑溜，更帶有陣陣豆香，非常好吃；而惹味醒胃的甜梅菜與肉鬆，也令這道菜更加好吃，是一道簡單又美味的菜式，更是最佳下飯能手。炒得乾身又有鑊氣的「砂窩陳皮黃魚蝦乾炒飯」，飯中加入香脆的黃魚粒、鹹鮮的蝦乾粒及甘香的陳皮粒；在猛火快炒下，米飯乾身及粒粒分明，在砂窩悶焗下，也令飯粒變成金黃香脆的飯焦，配上陳皮的香氣，非常惹味又好食。師傅以陳皮為主，製作出這味「十年陳皮雞頭米冰花燉津梨」甜品，採用清甜多汁的鴨咀梨，配上軟糯雞頭米，十年陳皮及冰糖，以文火慢蒸燉；梨肉變得軟腍又入味，更帶有陣陣陳皮香，食落甜而不膩，生津潤喉。這裏的招牌甜品「脆皮流沙盞」，層次豐富，包含酥脆、煙韌和香濃於一身；上層是酥脆的菠蘿皮，底下是曲奇蛋撻底，中間係煙韌的流心奶皇炸湯丸，是一味多重口感又完美結合的甜品。非常高質又美味的一餐，雖然有少少貴，但間唔中食一餐慰勞吓自己，也是應該的！#凱悅軒 (尖沙咀)地址: 香港尖沙咀河內道18號香港尖沙咀凱悅酒店3樓電話: +852 37217788…查看更多

大家喜歡陳皮嗎我就十分愛吃！除了夠甘香之外陳皮更有調節腸胃幫助消化的功效，而且還可以減少胃脹氣和消化不良的情況很有食療功效。這天中午跟好友們到尖沙咀凱悅酒店的凱悅軒品嚐養生午餐。先來古法陳皮燻魚$238作為前菜！百花鱸魚以陳皮汁醃製然後酥炸至香脆，魚件肉質紮實索滿陳皮的味道甘香迷人。十二年陳皮花膠燕窩羹$338！濃郁上湯內盡是滿滿細膩的雞蓉、花膠絲及燕窩每口也超滋潤嘴巴，加上矜貴的十二年陳皮這口羹香綿鮮甜之餘還很養顏呢。脆皮茶香雞$568！烹至金黃香脆的新鮮龍崗雞以香片及普洱混入白飯來煙燻，雞皮如薯片般香脆雞肉則嫩溜多汁，每次品嚐也極盡享受真的百吃不厭。山椒汁野菌炒牛助骨肉$358！牛助骨肉我無緣品嚐但野菌和蜜糖豆就可以細心欣賞，濃郁麻香的醬汁加上這鑊氣真的超惹味好想飲杯啤酒啊。甜梅菜肉鬆蒸豆腐$228！嫩滑富豆香的豆腐口感非常絲滑，香甜梅菜於清新中灑上濃郁滋味太唰嘴喇。砂窩陳皮黃魚蝦乾炒飯$328！炒飯吃下粒粒分明集鹹鮮及芳香於一身，內裏酥脆的黃魚粒口感十足又鮮香，添上陳皮的甘甜又令我爬上滿滿的一碗。甜品環節相當豐富大家各自選上心頭好，為這頓午餐來一個甜蜜的閉幕。粒酥皮流沙盞$68/4件！菠蘿包皮加蛋撻底再配襯奶黃湯丸香甜可口，這個組合永垂不朽是必吃之物。十年陳皮雞頭米冰花燉津梨$98！選用清甜多汁的鴨咀梨來炮製，配合雞頭米、十年陳皮以冰糖慢燉而成，味道甜而不膩更是潤喉生津好滋潤耶。遠年陳皮特色菜由即日起至10月31日供應，大家也趁機去嘆一場養生盛宴吧。…查看更多

呢個夏天，唔知大家冇食過涼瓜？聽講涼瓜今年都好當做，清熱解毒、下火消暑就最啱。凱悅軒呢個夏天推出涼瓜為主題的限定菜單，主廚黃師傅匠心用上了中國、日本及泰國的優質涼瓜，當中有唔少苦瓜更加係第一次，如果你係苦瓜粉絲，一定不能錯過。前菜話梅桂花浸杜阮涼瓜用左有隻叫雷公鑿之稱的杜阮涼瓜，肉質最爽最脆，以鹽醃過後完全無左涼瓜的苦澀嘅味，加上以話梅桂花醋來浸過，吃到的是很開胃而又包羅苦酸甜味的涼菜，夏日一流。個人當然最愛白玉涼瓜雲腿扣花膠，個樣非常高貴，無諗過中國白玉涼瓜味道強勁，皮厚多汁，切成厚片與花膠一同放入雲南火腿與雞件熬製的濃湯中慢煨入味，之後花膠同涼瓜之間夾著片厚厚的雲南火腿提鮮，淋上濃烈的南瓜芡汁，非常完美。呢個鴛鴦涼瓜子薑豚肉卷樣子相對遜色，不過味道就最複雜，豬腩肉同來自中國白玉涼瓜，加上子薑、甘筍條和唐芹條，炸完再同日本涼瓜片及濃郁的豆豉汁同炒，食到兩款涼瓜嘅口感之餘又可以比較，不過個人都係鍾意日本嘅苦瓜多啲，唔知下次師傅會唔會用日本嘅涼瓜去整扣花膠，日本嗰種鮮甜味道似乎更能突顯出其他菜式嘅味道。除左苦瓜menu外，朋友推薦脆皮茶香雞，師傅將原隻龍崗雞慢油炸熟，加上香片及普洱混入白飯，將原隻龍崗雞燻製十分鐘，加入左白飯的茶葉令雞肉吸收完全的茶香，之後再將全隻龍崗雞炸至金黃，皮脆肉嫩，而且個皮同雞肉都食到茶葉薰香味，好精彩。唔記得有冇試過呢度嘅燒味，就算平時自助餐有嘅話都未必食，頭先食完嗰脆味茶香雞意猶未盡，今日嘅蜜汁叉燒，睇得出師傅嘅燒嘢功力。Menu入面仲有魚湯浸竹笙蘆筍，呢個又係超級出色，非常簡單，蘆筍完全吸收晒魚湯嘅鮮甜，一定好食。單尾朋友點嘅鮑魚汁炆粗麵，濃烈嘅鮑魚汁非常掛麵，又係色香味俱全，簡單嘅菜式都做得咁出色就知道點解我一班朋友一路都咁鍾意去呢間餐廳。甜點都係涼瓜，以冬蜜及杜阮涼瓜汁製成的蜂蜜涼瓜凍糕，翠綠色的涼瓜凍糕，內藏細碎涼又脆的涼瓜肉，中層是絲滑的奶凍，夏日炎炎，再送一口甘涼的涼瓜甜品，清新口腔最好。加上呢度最愛嘅蛋白杏仁茶，好完美的weekend lunch 。如果大家都有興趣食呢個涼瓜Menu，記得七月底前一定要去啦。…查看更多

涼瓜又名半生瓜懂的愛之不喜敬而遠之！半百的我自小已經非常喜歡吃涼瓜，此物更是我跟已故嫲嫲的親密聯繫所以很有特別的感覺。尖沙咀凱悅酒店凱悅軒主廚黃皓勤師傅又有新作！嚴選中國、日本及泰國的優質涼瓜來炮製合時的涼瓜菜式，喜愛吃的我當然要第一時間去潮聖啦。話梅桂花浸杜阮涼瓜$148！又名雷公鑿杜阮涼瓜肉質厚實顆粒感滿滿，經過話梅桂花醋的洗禮後爽口Juicy甘甜可愛，配點神石榴籽共嚐更能添加清新味道。陳皮脆鱔$328！白鱔依舊烹得皮脆肉彈口感豐富，甜蜜中滲出絲絲誘人的陳皮甘香非常可口。梅辣汁涼瓜脆鱈魚粒$388！用上泰國涼瓜薄片包裹著鱈魚粒和日本涼瓜片炸至金黃酥脆，裹上恰到好處的梅辣汁，吃下外脆內滑味道酸酸辣的兩件下來也沒膩感超級惹味。白玉涼瓜雲腿扣花膠$298！皮厚多汁的中國白玉涼瓜及花膠以濃湯煨至入味，花膠的軟滑加涼瓜的腍拼出完美口感，配搭鹹鮮的雲腿及清甜南瓜芡一起品嚐好享用。脆皮茶香雞$328/半隻！新鮮龍崗雞以茶葉及白米燻製後再炸至香脆，幽幽的煙燻香氣引人入勝皮脆肉嫩百吃不厭。魚湯浸竹笙蘆筍$268！竹笙厚身爽口索滿了魚湯的鮮香更加迷人，配襯的翠綠嫩口的蘆筍清甜不已，最後別忘嚐一口奶白濃郁的鮮味魚湯喔。鮑魚汁炆粗麵$238！濃香鮑魚汁為爽口的粗麵帶來黏嘴的快感大滿足的單尾。這天的甜品也逃不過涼瓜！大廚為我們帶來蜂蜜涼瓜凍糕$68，用上本地冬蜜及杜阮涼瓜汁炮製而成，翠綠色的是涼瓜凍糕內藏滿涼瓜肉碎中層是爽滑香甜的奶凍，涼瓜凍糕口感非凡清甘香甜很有特色。一系列涼瓜主題限定菜單由即日起至2025年7月31日供應，涼瓜迷真的萬物錯過這時令之味。…查看更多

揸車去的，佢停車場入口，一落車就聞到惡臭，應該係附近有垃圾站並且通風不好，所以未去到已經冇嗮胃口。再講餐廳張枱同櫈的高度不配，張櫈太矮，坐落去就感覺離枱太近，唔舒服。叫咗其中一道菜係有荷蘭豆，完全冇憋走執邊的絲，一路食一路要從口中抽出啲絲，完全唔合格。整體經驗好麻麻。…查看更多

我呢條中佬雖然幾廢但係都好鍾意養生㗎！所以養生菜對我嚟講係正嘢嚟，呢日晏晝返工前就同老婆大人去食咗餐用陳皮煮嘅養生菜。地點好方便就喺尖沙咀凱悅酒店嘅凱悅軒，鍾意嚟呢度食係因為師傅嘅功架真係好紮實，而且成日推出新菜式每次都好有驚喜。今次就係嚟食佢新推出嘅陳皮菜！第一味係古法陳皮燻魚，濃油赤醬本來就係好膩但師傅加咗陳皮之後即刻變得清新咗，食落去唔會太鹹有一朕朕陳皮果香真係食得好開胃。十二年陳皮花膠燕窩羹我覺得男、女都好啱食！ 碗羹入面有好多雞茸同埋花膠絲仲有好多養顏嘅燕窩，成碗都係雞肉嘅香味食完感覺後生咗幾年呀。今次又再食到脆皮茶香雞真係好幸福呀！一打開個煲蓋係勁香嘅煙燻味衝出嚟，呢啲咪叫做色香味俱全囉。呢隻雞老土啲講句就係皮脆肉嫩，連骨頭都入晒味越食越香，所以每次嚟都會好想食佢。呢碟山椒汁野菌炒牛肋肉真係勁惹味！伴碟嘅蜜糖豆同埋啲菇有香滑嘅又有爽甜，加埋香滑有質感嘅牛肋肉真係可以扒兩碗飯呀。講到送飯呢碟甜梅菜肉鬆蒸豆腐都係好正嘅選擇！豆腐滑到跣口加埋我好鍾意食嘅梅菜呢碟餸真係very good呀。一路忍住冇嗌白飯係因為要食砂鍋陳皮黃魚蝦乾炒飯！啲飯炒得好爽口一啲都唔油膩，入面有好多香噴噴嘅陳皮絲，加埋啲蝦乾同埋煎到好香脆嘅黃魚粒，食落去又鮮又香真係好鬼滋味。甜品都走唔甩要食陳皮整嘅！呢個係超清甜嘅十年陳皮雞頭米冰花燉津梨，天津鴨梨食落去勁爆汁加埋陳皮嘅甘味真係好香甜。另外仲叫咗碗是日糖水薑汁番薯嚟食！薑汁糖水啱啱好唔會辣得好緊要，番薯有粉又淋好香甜繼續滋潤。整多粒招牌嘅酥皮流沙盞嘆下！呢個蛋撻加菠蘿包嘅混合體真係好有創意，入面嘅奶黃流沙好鬼香甜真係食極都唔厭正呀喂。…查看更多

📍凱悅軒粵式盛宴：陳皮入饌，匠心演繹傳統養生風味 🍽️✨.今個夏天，尖沙咀凱悅酒店嘅 凱悅軒 推出以「陳皮」為主題嘅限定菜單🤤由主廚 黃皓勤 精心設計六道養生美饌🧑🏻‍🍳將傳統瑰寶陳皮嘅芬芳與食療價值完美融入粵菜之中📌選用超過十年嘅頂級陳皮，唔單止香氣馥郁，更能健脾開胃、潤肺化痰，每一道菜都係味道與健康嘅完美結合💯即日起至 10月31日 ，大家都可以品嚐到呢份獨特嘅滋味💥 .🥢古法陳皮燻魚選用肉質細嫩、魚刺少嘅 百花鱸魚 ，去骨起肉後以陳皮汁醃製，再酥炸至金黃香脆。魚肉外層鬆化，內裡依然保持鮮嫩多汁，搭配青瓜薄片同 自家製陳皮醬汁 ，酸甜甘香層次分明，陳皮嘅回甘令人一試難忘！🍲 十二年陳皮花膠燕窩羹用濃郁上湯做基底，加入 雞蓉、花膠絲、燕窩 同 12年陳皮 慢火熬煮，每一啖都充滿膠質，口感絲滑綿密。陳皮嘅柑橘清香平衡咗花膠同燕窩嘅豐腴，滋味醇厚得嚟又唔會膩喉，滋陰養顏，絕對係女士恩物💆‍♀️✨🍗 招牌脆皮茶香雞靈感源自日本玄米茶，主廚先將 龍崗雞 慢油炸熟，再以 香片、普洱混合白飯燻製 ，令雞肉吸收晒茶葉嘅芳香。外皮炸至金黃酥脆，咬落「咔滋」有聲，而肉質依然嫩滑多汁，帶住淡淡茶香，風味獨特得嚟又唔會搶走雞味，正🍵🐔🌶️ 山椒汁野菌炒牛肋肉牛肋肉切至薄片，口感軟嫩帶少少嚼勁，搭配 杏鮑菇、茶樹菇 等野菌爆炒，再淋上微辣嘅山椒汁，辛香開胃。山椒嘅麻香同陳皮嘅甘甜意外地夾，惹味得嚟又唔會太膩🔥🥢 甜梅菜肉鬆蒸豆腐嫩滑嘅 山水豆腐 鋪滿 手剁豬肉鬆 同 甜梅菜 ，蒸至入味。豆腐入口即化，梅菜嘅鹹甜同肉香完美融合，加埋陳皮碎提味，層次豐富，係一道好有家的味道嘅暖心菜💛🍚 砂窩陳皮黃魚蝦乾炒飯鑊氣十足嘅炒飯！師傅用猛火快炒，飯粒 乾爽分明 ，再加入 酥脆黃魚粒、鹹鮮蝦乾 同 陳皮粒 ，香氣逼人。上枱前用砂窩焗一陣，底部形成金黃飯焦，脆口又惹味，陳皮嘅柑橘香畫龍點睛，食到最後一啖都唔會膩🔥🍐 甜品：十年陳皮雞頭米冰花燉津梨清甜嘅 鴨咀梨 去核燉煮，加入 雞頭米 同 十年陳皮 ，慢火熬至梨肉晶瑩剔透，入口即化。糖水甜而不膩，陳皮香氣悠長，潤喉又解暑，為呢餐養生盛宴畫上完美句號❄️🍯🌟 總評凱悅軒今次嘅陳皮菜單，將傳統養生智慧同現代烹調手法結合🎊每道菜都展現出陳皮唔同層次嘅風味🤩我最鍾意 脆皮茶香雞 同 砂窩炒飯 ，鑊氣足又夠特色，而燉津梨嘅清潤更係夏日必食👏🏻大家絕對要嚟試吓🙋🏻‍♀️.📍 地址：尖沙咀河內道18號香港尖沙咀凱悅酒店3樓⏰ 供應期：即日起至2025年10月31日.#凱悅軒 #粵菜 #陳皮料理 #養生美食 #香港美食 …查看更多

雖然喜歡周圍瓹窿瓹罅去搵食，不過有幾個地方我是時常會翻兜的，凱悅軒是其中之一。總廚黃師傅的菜色不走花巧路線 (當然也不會太粗枝大葉)，但味道每每有驚喜，可謂實而不華。得知佢最近推出了一系列以陳皮為主題的新菜式，大家又嚷著要來感受一番，光速湊成這次飯局。頭盤先來古法陳皮燻魚，端上桌時香氣四溢，師傅選用百花鱸魚，貪其夠厚身，口感佳，而且已去骨，吃時酥脆又啖啖肉，魚肉與陳皮的甘香層疊交織，結合微脆的餘韻，作為開胃前菜，最適合不過。接著來個湯羹，係十二年陳皮花膠燕窩羹，以甜美濃郁的上湯作基底，配合雞蓉、花膠絲、燕窩及十二年陳皮慢火熬煮，滿有陳皮香，喝得寧舍舒服，女士們極為讚賞。再來的一道，不是陳皮菜式，而是師傅的得意之作脆皮茶香雞。打開煲蓋時，香氣真是半間餐廳都可以感受到，絕不誇張。外皮香脆鬆化而肉質細嫩多汁的龍崗雞，不論什麼部位都是完美，令人忍不住一件駁一件的去吃。山椒汁野菌炒牛助骨肉，主角的牛肋肉固然鬆化，煸得香口的野茵亦功不可沒，加上惹味之汁醬，出色。甜梅菜肉鬆蒸豆腐，豆腐滑不溜口，而且滿有豆香，相信是自家炮製。如此出色的豆腐，配埋醒胃的甜梅菜，與及肉鬆，美味非常。結尾的炒飯，也是徹合陳皮主題的砂窩陳皮黃魚蝦乾炒飯，米飯粒粒分明，乾身香口，每口都是鹹鮮的蝦乾粒與芳香的陳皮粒，同埋黃魚粒，即使此時我已經很飽，也吃至一粒米飯不剩，以示對師傅的尊重。在凱悅軒，甜品從來都是重要的環節，大家又再點滿一桌子的甜點，當中包括以陳皮為題的十年陳皮雞頭米冰花燉津梨。清甜多汁的鴨咀梨出場，賣相先聲奪人，結合軟糯雞頭米、十年陳皮及冰糖文火慢燉，十分滋潤，對於正有兩聲咳既筆者，是及時的良方。最後，是不容錯失的招牌流心盞，相信有留意開我文章的朋友都不會陌生。這款結合菠蘿包、流心湯丸及蛋撻三者的精華的出品，沒有一次會令人失望的。又是大滿足的一餐！…查看更多

喺酒店既中菜廳，精緻優雅地食一餐蟹宴，都係一個幾有趣嘅體驗。今餐幾乎所有嘢都同蟹有關。 前菜蟹肉沙律盞拼炸蟹鉗。 蟹肉鮮甜同沙律好夾，炸蟹鉗亦相當飽滿彈牙。魚香炒蟹，魚香係正常平時見開嘅魚香，但茄子竟然係炸嘅。 同蟹加埋呢個組合相當有趣。花雕蟹伴粉皮，是日最大驚喜。 外觀好似奶油既花雕汁，好香花雕味。 而粉皮就吸收晒花雕既酒香同埋蟹既鮮味。酒釀蕎頭乾燒蟹，一個相當長既菜式名。 而上枱後最大既感覺係 …… 番茄炒蛋，無論外觀同味道都係。 當然，係酒店中菜廳水準既番茄炒蛋，所以都係好味既。荷塘炒鴨甫同蒸菜心都合乎預期地精緻。蟹肉淮山麵，蟹肉同淮山麵都好好，只係調味比較鹹。最後，以薑茶芝麻湯圓作完美總結。…查看更多

第一次黎食，因為見到有7折，試吓新嘢。餐廳環境舒適，服務都幾好。見佢哋推介今期新菜式苦瓜，咁啱我又好中意食苦瓜，試左話梅苦瓜，苦瓜凍糕，微微嘅苦味，先係苦瓜嘅精髓，清新又開胃。小食炸山藥，蟲草花，香脆可口，食到停唔到口。再試埋傳統菜式燻雞，雞滑得黎啖啖有煙燻香味。欖角骨，酸酸甜甜，肉質鮮嫩。最後食埋甜品蛋白杏仁茶，紅豆沙，芒果布甸，三個之中我最愛杏仁茶，因為食到自家製的味道。酒店嘅中菜果然有啲水準。如果長期有7折就真係好抵食。酒樓既價錢食到酒店嘅質素。下次可以再試埋其他菜式。…查看更多

【尖沙咀必試】凱悅軒夏日限定涼瓜宴🌿苦盡甘來嘅味覺盛宴🍈.🔥夏日消暑首選
夏天熱辣辣，尖沙咀凱悅酒店「凱悅軒」由即日起至2025年7月31日，推出以涼瓜為主題嘅限定菜單💖由主廚黃皓勤嚴選中國、日本、泰國三地頂級涼瓜🎊玩轉苦味變奏，打造六道「苦中帶甘」嘅創意粵菜🤟🏻.由前菜到甜品，每道菜都盡顯涼瓜嘅清涼魅力，仲要配合「不時不食」養生哲學，食完包你暑氣全消😌.🍽️ 涼瓜盛宴逐道試1. 話梅桂花浸杜阮涼瓜 🥗杜阮涼瓜肉質爽脆如青瓜，師傅先用鹽醃走苦澀，再浸入話梅桂花醋，酸酸甜甜完美中和苦味，仲加咗爆汁嘅石榴籽！入口先有甘香涼瓜味，隨後係話梅嘅酸甜同桂花香，層次超豐富！2. 白玉涼瓜雲腿扣花膠 🍲中國白玉涼瓜皮厚多汁，苦中回甘，同花膠一齊用雲南火腿雞湯慢煨，吸盡精華！中間夾住一片金華火腿提鮮，淋上南瓜芡汁，入口綿滑又滋補。花膠膠質滿滿，涼瓜嘅甘苦同火腿鹹香碰撞，味道高級又和諧！3. 梅辣汁涼瓜脆鱈魚粒 🐟泰國涼瓜薄片包住日本涼瓜片同鱈魚粒，炸到金黃酥脆！鱈魚外脆內嫩，涼瓜嘅苦味被梅辣汁完美平衡～入口酸甜微辣，仲有開心果碎增加口感，食落爽脆又惹味！
4. 蜂蜜涼瓜凍糕 🍮甜品竟然有涼瓜？上下兩層係杜阮涼瓜汁製成嘅翠綠凍糕，中間夾住牛奶凍，涼瓜碎增加咬口，本地冬蜜帶出自然甜味，苦甘交織，呢個配搭出奇地夾，食完一啲都唔膩！5. 脆皮茶香雞 🍗龍崗雞先炸後燻，用香片+普洱燜飯燻製，雞皮脆到不得了，茶香超濃郁！食落肉質嫩滑多汁，茶香滲入每絲纖維，食落有炒米焦香，回味無窮！
6. 魚湯浸竹笙蘆筍 🥬竹笙吸盡鮮甜魚湯，蘆筍爽脆無渣，湯頭清澈但味道濃郁，清新健脾之選！7. 鮑魚汁炆粗麵 🍜粗麵掛滿鮑魚汁，彈牙有嚼勁，醬汁濃郁唔會膩，飽肚又香濃～8. 桑寄生蛋茶 傳統養生糖水，桑寄生茶微甘帶甜，蛋香滑溜，飯後飲一碗滋潤又解膩！🍽️ 凱悅軒（尖沙咀凱悅酒店）
📅 供應期：即日起至2025年7月31日
🚇 地址：尖沙咀河內道18號🔥 溫馨提示* 菜單期間限定，想試要趁早！#凱悅軒 #涼瓜宴 #夏日限定 #苦盡甘來 #尖沙咀美食 #粵菜 #不時不食…查看更多

已有一段日子沒來凱悅軒了，聽說近日有人蔘主題菜式，夠晒滋補養顏。餐前先來個三式點心，分別是「腿蓉遼參燒賣」、「鮑魚燒賣」及「星班百花卷」。遼參泡浸得軟稔，入口滑溜，配以豚肉的味道，相得益彰。鮑魚燒賣是常見，但鮑魚Q彈入味，豬肉吃得出的鮮味，我喜歡。以星班片來包裹蝦膠，來種截然不同的口感，清淡怡人。前菜的「紅棗人蔘豬手凍」，真是佩服大廚的心思，晶瑩剔透的人蔘雞湯凍，內裡是嫩滑的豬手，連皮切片後，與鮮人蔘粒、紅棗和蜜豆籽表面放上黑醋啫哩，不單平衡了油膩感，更有提鮮的作用。再來是帶懷舊菜氛圍的「杞子人蔘花膠鴿吞素翅」，靈感源自懷舊手工菜「仙鶴神針」，用上了體型較大的頂鴿，去除胸骨後釀入已煨煮入味的金華火腿、關西遼蔘絲及素翅，全鴿與花膠人蔘湯同燉。鴿肉厚實多汁，咬落酥軟，湯底清澈鮮甜，入口一陣醇香，喝起來舌底生津。「梅欖骨」又是一道潮州的家常菜，師傅先將排骨蒸三小時至軟糯，再炸至鬆化，配以Homemade梅膏醬及潮州菜常用的欖角，酸甜開胃，用來送白飯一流。菜蔬是「豉汁蘆筍炒帶子」，其實好簡單，食材新鮮已經贏了一半，帶子炒得恰好，肉質粉嫩，配以掛上豉汁的蘆筍，好味。單尾是「窩燒麒麟鮑魚人蔘雞飯」，概念是源於經典菜式「金華玉樹雞」，鮮美的鮑魚片、三黃雞件、甘筍片及北菇片舖在加入人蔘鬚粒的米飯之上，拌和了香濃的人蔘鮑魚醬汁焗製而成，冒著熱氣上檯，非常誘人，但飯粒依然是粒顆分明，狀態大勇。仗著人多，甜品是叫了好幾款大家分享，蓮蓉西米焗布甸、楊枝甘露、蛋白杏仁茶及桑寄生蛋茶。畢竟可以一齊share最開心。P.S：部分菜色供應期至4月30日。 …查看更多

自從上次與朋友前來挑戰點心放題，都有一陣子沒來拜訪 尖沙咀凱悅酒店   既中菜廳   凱悅軒，是日相約友人前來餐聚，原來已換上了用「蔘」製作新餐目，以人蔘入饌，很特別，亦很期待 前菜選了人蔘餐目中既 紅棗人蔘豬手凍，賣相精緻，Q彈的口感，入面則是切粒的嫩滑豬手並滲出紅棗和人蔘的獨特香氣，還有黑醋啫喱，味道層次極為豐富陳皮脆鱔   也是大讚的！加入陳皮燒製，味道芳香無比，鱔肉厚身又爽口，一點泥味也沒有，真的很好吃！滋潤一下，有 杞子人蔘花膠鴿吞素翅，利用原隻頂鴿並釀入金華火腿、關西遼蔘及素翅等名貴材料來燉，再與花膠和人蔘燉三個小時以上，湯頭是極其清甜，並滲出陣陣人蔘香氣，加上厚身花膠，實在是滋補良物梅檻骨 乃這裡的名物，先將排骨蒸至軟腍，再炸至酥化，最後加入大廚自家製作的梅膏醬及檻角，入口肉質軟糯，酸中帶甜的，更是佐飯良伴哩豉汁蘆筍炒帶子 大大隻的日本帶子，爽口鮮甜，配以新鮮蘆筍，很清新的一道窩燒麒麟鮑魚人蔘雞飯 用鮑魚片、三黃雞件和北菇片等材料製作，並於飯內加入人蔘鬚粒，並再以鮑魚醬汁來焗，最後以「金華玉樹雞」的排列方式呈現於大家眼前，味道香濃人味，令人吃不停口再嚐甜品，吃完    蓮蓉焗布甸，無憾了…查看更多

母親大人生日，同佢出去酒店食吓中菜先，呢間餐廳我之前食過幾次，同埋飲過茶，覺得無論環境同味道都唔錯，所以想同母親大人慶祝，點知朋友仔話質素差咗好多，因為已Book位，原本唔抱太大希望。有啲菜式真係冇以前咁好味，例如：叉燒以前燶邊半肥瘦，以前入口後好甘香好好食，但而家好似燒得麻麻。但值得一讚嘅係片皮鴨同以前一樣，都係咁好味又唔會太肥。…查看更多

星期二放假又去食好西！今次跟老婆大人同埋朋友一齊去食人蔘嘅菜式，啱晒我呢啲有年紀嘅人食補補佢嘛哈哈。再次嚟到尖沙咀凱悅酒店嘅凱悅軒開餐，我同老婆大人都好鍾意呢度招呼周到又坐得舒服。先嚟第一樣人蔘嘅頭盤紅棗人蔘豬手凍！個樣靚到好似甜品咁，其實佢係用咗人蔘雞湯整出嚟嘅啫喱凍。人蔘雞湯啫喱食落又爽又滑，入面仲擺咗有皮嘅豬手肉、鮮人蔘粒、紅棗同埋蜜豆，口感超級勁豐富個味仲好鬼甘香，人蔘味有得嚟又唔會太濃好易接受到。老婆大人最鍾意食鱔所以就叫咗呢個陳皮脆鱔過佢嘆！白鱔燒得個皮好香脆魚肉仲好鬼彈牙夠晒新鮮呀，最特別嘅係佢加咗陳皮嚟燒，食落去多咗一份甘香嘅味道出面比較少食到。跟住就要食呢個杞子人蔘花膠鴿吞素翅！大大隻嘅頂鴿入面有金華火腿、關西遼參同埋素翅，放入去花膠人蔘湯道一齊燉，就算你係一「翅」唔食嘅朋友都可以盡情咁食。一次過可以食到香滑花膠同濃郁鴿肉，仲可以飲埋嗰啖甘香嘅人蔘雞湯，話唔滿足都係呃人嘅。呢個時候梗係要整碟正菜嘆吓！豉汁蘆筍炒帶子夠晒惹味喇啩，大大隻嘅帶子好有彈性同鮮味，加埋翠綠嘅清甜蘆筍好食到不得了。如果你係食肉獸呢個梅欖骨就一定要試！呢個排骨肥瘦啱啱好咬落去勁彈Q仲好有肉香，重點係嗰個自家製嘅梅膏醬味道酸甜開胃，加埋鹹香嘅欖角一齊炒好食到停唔到口囉。繼續送俾食肉獸有呢隻脆皮香雞！呢隻新鮮龍岡雞真係雞有雞味，不過我覺得佢嘅煙燻味仲出色，除咗雞皮好香脆之外嗰朕煙燻味去到雞肉入面勁濃香。雖然食晏晝但點都要整個飯先至夠飽肚嘅！呢一煲係窩燒麒麟鮑魚人蔘雞飯，除咗三黃雞之外外仲有鮑魚同埋北菇，個樣睇落好似中國名菜金華玉樹雞，但其實佢係一個人蔘雞煲仔飯。雞肉夠鮮嫩鮑魚都好彈牙，最正係吸晒鮑魚汁嘅飯仲混咗甘甜嘅人蔘粒，加埋係令到我冇可能食淨一粒飯嘅好味道。呢個酥皮流沙盞有菠蘿皮又有酥皮仲要有奶黃湯丸，成粒啪口感勁豐富層次感強勁真係好鬼正。最近天氣唔好成日雨粉紛飛好容易令皮膚氣管出現問題！呢個時候嘆碗香滑無比嘅蛋白杏仁茶抵抗皮膚氧化亦可潤肺止咳強化支氣管，呢度嘅蛋白杏仁茶做得好香濃勁多滑嘟嘟嘅蛋白，賣$58碗隨時平過喺出面糖水舖食。…查看更多