影片
更多
2025-03-19
329 浏览
老竇突然話想食燒肉，得！搵咗間「燒肉Smile」，見到啲人話佢係台灣人氣No.1單人燒肉店，好似少威🙊🙊 而且地點都係喺朗豪坊對面，幾方便就揀咗呢間試吓。餐廳都幾大，裝修乾淨企理，餐廳仲有韓式小菜同埋沙律菜半自助放題區，我哋坐正喺前面，拎菜都方便啲 （我哋拎咗好多生菜包肉食）😍見到佢最平$58已經有一份午市套餐，覺得幾平！不過同老竇食，梗係要食好啲，所以我地就叫咗兩個盛合套餐試吓：日和極上盛合套餐 $298嚟到擺碟好驚喜，因為成個set拎過嚟好豐富嘅感覺😍套餐有日本極上A5和牛、西班牙伊比利黑豚、無骨牛小排、龍躉石斑、精選鮮蝦，質素幾高。A5和牛油脂香，有入口即化嘅感覺；黑豚同無骨牛小排燒起來嫩滑多汁；龍躉石斑好嫩，鮮蝦細細隻但鮮甜，配上和風醬燒汁，味道更突出。爸爸加咗$35試韓式雪蟹膏拌飯，蟹膏濃郁到爆，撈飯食好滿足🤤雪濃牛骨湯（+$10），湯底濃而不膩，暖笠笠好窩心。甜品揀咗焦糖布蕾（+$15），爸爸唔食得甜野，所以都係我去解決😎 crème brûlée焦糖面香脆，布蕾滑溜，甜但好味。飲品係阿里山烏龍冷泡茶（+$15），杯身都幾大杯，清香解膩，唔甜，岩爸爸～Smile盛合套餐 $
見到佢最平$58已經有一份午市套餐，覺得幾平！不過同老竇食，梗係要食好啲，所以我地就叫咗兩個盛合套餐試吓：
日和極上盛合套餐 $298
嚟到擺碟好驚喜，因為成個set拎過嚟好豐富嘅感覺😍套餐有日本極上A5和牛、西班牙伊比利黑豚、無骨牛小排、龍躉石斑、精選鮮蝦，質素幾高。A5和牛油脂香，有入口即化嘅感覺；黑豚同無骨牛小排燒起來嫩滑多汁；龍躉石斑好嫩，鮮蝦細細隻但鮮甜，配上和風醬燒汁，味道更突出。爸爸加咗$35試韓式雪蟹膏拌飯，蟹膏濃郁到爆，撈飯食好滿足🤤雪濃牛骨湯（+$10），湯底濃而不膩，暖笠笠好窩心。甜品揀咗焦糖布蕾（+$15），爸爸唔食得甜野，所以都係我去解決😎 crème brûlée焦糖面香脆，布蕾滑溜，甜但好味。飲品係阿里山烏龍冷泡茶（+$15），杯身都幾大杯，清香解膩，唔甜，岩爸爸～
Smile盛合套餐 $258
我覺得性價比都好高！套餐有無骨牛小排、松阪豚、牛橫膈膜、冷藏雞腿肉、北寄貝、精選鮮蝦、鱸魚菲力，乜嘢肉都有啲👍🏻 無骨牛小排同牛橫膈膜肉質軟嫩，燒起嚟多汁又香；松阪豚肥瘦均勻；雞腿肉同海鮮（北寄貝、鮮蝦、鱸魚菲力）都好新鮮，特別係鱸魚菲力，燒完好嫩滑 （而龍躉係再滑啲🙊）。不過我哋就唔係好識燒北寄貝，燒完好似比較韌🤣 加咗$15嘅 蔥花玉子飯，蔥花帶鹽味，間簡簡單單。湯係濟州海帶豆腐湯，清清地唔錯。甜品係草莓奶酪，草莓醬甜，但奶酪滑溜不太甜，可以中和😂。飲品揀咗冬瓜檸檬（+$15），一樣咁大杯，夠冰涼又解渴，燒肉飲一流。
葱鹽牛舌 $88
爸爸鍾意食牛舌，單點咗一個，點知份量咁多🙈 牛舌係薄切，不過日式麻油椒鹽都幾入味，燒起嚟外脆內嫩。
結論
🫰現切冷藏熟成肉品肉質唔錯
🫰無煙燒烤都唔錯！
🫰最平午餐$58就有，仲有得沙律+菜半自助放題！無論一個定一班人食都好啱食！
好味度：8/10
餐廳資料
餐廳名稱：焼肉スマイル (燒肉smile)
餐廳地址：旺角砵蘭街240-244號MPM文華商場1樓C號舖 (朗豪坊對面)
營業時間：星期一至日12:00-23:00
张贴
