二鍋頭 (好運中心)

营业中

休息中

星期六晏晝十二點九去到，入面得一兩枱客人，我哋book咗位，被安排坐單邊梳化位， 室內裝修比較大眾化， 原來一點幾後先至會 越嚟越多客人，初時諗得咁少人，會唔會中伏。我哋兩個大人一個細路， 大人$118 細路$88/位，當日因為係母親節前夕，每位要加30蚊， 所以我哋額外加咗90蚊， 我哋揀咗90分鐘最平嗰個任食餐， 要咗皮蛋芫茜湯底， 肉類任食 有豬頸肉、羊肉片、鮮牛肉片等等， 仲有海鮮任食 例如帶子、墨魚仔、鯇魚片等。 出面凍櫃有一般丸類及蔬菜類，另外有 炸魚皮， 王子麵，出前一丁。 食物質素係好一般，如果不需每位加30蚊嘅話，cp值都算高。美中不足係冇一般火鍋店任食餐入面嘅甜品呀~雪糕呀~ 下次應該唔會嚟。