影片
更多
2025-01-09
304 浏览
農曆新年將至，今日同老公去左旺角辦年貨。買嘢之前，食個午時市火鍋放題先。呢度做緊午市火鍋優惠，由12點至下就4:30，食足四個半鐘頭，平日一至五兩點後入座仲有八八折添。下就想同朋友聚會，可以慢慢坐低食，除左冷熱飲品在外面自取，呢度又用QR點菜，唔使自己出去攞嘢食，係個幾好嘅選擇。我哋揀咗美國prime grade牛肩胛肉套餐，另外再加$40升級海鮮及配料 (如花膠及黑毛肚)。花膠雞涮涮鍋湯底：湯底都好多選擇，呢個湯底都幾多人叫。湯底用料十足，有好多花膠同雞件，湯味道清甜，夠補身。肉類：有牛肩胛肉及無激素豬肉片無限任食，牛肩胛骨肉比較瘦，食落有牛味，一啲都唔韌。豬肉片就肥瘦均勻，咬落軟熟滑滑。前菜：秘製麻辣木耳同麻辣手拍青瓜兩款都辣辣地，爽口；鹵水豬耳好有咬口；炸魚皮夠大塊又脆，就咁食或浸湯都好好味。海鮮類：有海蝦、白鱔片、黑毛肚同帆立貝，是日精選海鮮係蜆。所有海鮮都好新鮮，鮮甜。尤其係蜆，原全係鮮味，唔錯。手工三寶丸：呢度手工丸特別多，款款都吸引。三寶丸有牛丸、豬肉丸同墨魚丸。三款丸味道濃，食落夠彈牙，幾好食。其餘火鍋配料：有脆鯇魚片、足八吋長蟹棒、台灣鴨血、鮮腐竹、雜菇拼盤、菜心苗同
呢度做緊午市火鍋優惠，由12點至下就4:30，食足四個半鐘頭，平日一至五兩點後入座仲有八八折添。下就想同朋友聚會，可以慢慢坐低食，除左冷熱飲品在外面自取，呢度又用QR點菜，唔使自己出去攞嘢食，係個幾好嘅選擇。我哋揀咗美國prime grade牛肩胛肉套餐，另外再加$40升級海鮮及配料 (如花膠及黑毛肚)。
花膠雞涮涮鍋湯底：湯底都好多選擇，呢個湯底都幾多人叫。湯底用料十足，有好多花膠同雞件，湯味道清甜，夠補身。
肉類：有牛肩胛肉及無激素豬肉片無限任食，牛肩胛骨肉比較瘦，食落有牛味，一啲都唔韌。豬肉片就肥瘦均勻，咬落軟熟滑滑。
前菜：秘製麻辣木耳同麻辣手拍青瓜兩款都辣辣地，爽口；鹵水豬耳好有咬口；炸魚皮夠大塊又脆，就咁食或浸湯都好好味。
海鮮類：有海蝦、白鱔片、黑毛肚同帆立貝，是日精選海鮮係蜆。所有海鮮都好新鮮，鮮甜。尤其係蜆，原全係鮮味，唔錯。
手工三寶丸：呢度手工丸特別多，款款都吸引。三寶丸有牛丸、豬肉丸同墨魚丸。三款丸味道濃，食落夠彈牙，幾好食。
其餘火鍋配料：有脆鯇魚片、足八吋長蟹棒、台灣鴨血、鮮腐竹、雜菇拼盤、菜心苗同唐生菜等。連普通火鍋配料質素都好好，新鮮乾淨，總類多，出單快，無漏單，讚！
甜品：三大品牌雪糕，每人可選一款，我哋就揀左movenpick椰子味同朱古力味雪糕，又飽又滿足。
张贴
