爺爺雞煲皇 (彩虹道)

营业中

休息中

呢間出名食雞煲，無諗過晏就碟頭飯，無論係價錢同食物味道同樣吸引，令我胃口大開，下次去新蒲崗食晏都會黎呢間試其他野食呢！員工服務方面令客人覺得好窩心，好舒服，會主動幫助客人，抵讚！京都豬扒飯 ($38 - 唔連野飲) : 首先講醬汁，顏色吸引，味道調配得不錯，雖然陳醋味道並唔重，但酸度甜度適中，令人食指大動。份量方面，岩岩好，足夠可以送到一碟飯。具體黎講，味道好似薑味唔濃既豬腳薑。豬扒方面，份量幾多，有6舊，肉質軟淋，唔多肥肉，唔重梳打分味，好食。白飯軟硬度做得恰到好處，煙un軟熟，粒粒分明，並唔會有一大舊痴埋既情況。值得一讚既係京都豬扒同飯係分開上，令客人可以自行決定加幾多醬汁黎送飯，可以避免醬汁過多，令客人食滯既情況。