爺爺雞煲皇 (彩虹道)

今日同幾位朋友經過就試下叫咗三款前菜，非常開胃招牌烤魚有蔬菜店主推介雞煲夠辣非常惹味打邊爐點少得牛肉，新鮮吊龍超正店主夠主動詢問員工親切有禮，直得稱讚用餐環境清潔舒適價錢合理，現金還有優惠，直得稱讚…查看更多

新蒲崗的街坊店，每次搭巴士經過，都好想入去試吓！我們四個人，點了一個海鱔+半隻雞煲，都份量十足，入面很多配料，有莞茜、洋蔥及蒜頭，秘製醬汁非常好味，重點是不太咸不太油，海鱔及雞件都是油泡完後才入煲抄，火候十足，香味撲鼻，真是值得一讚！食完後，便加入滾水變成一個火鍋湯底，我們加點了茼蒿菜、粉腸、豬大腸、脆肉鯇、貢丸及雲吞。每一個食材都很新鮮，配上雞汁湯底都很不錯！傳統的雞煲店與現時最流行的火鍋放題，很不一樣！ …查看更多

點了個招牌雞煲半隻，糾結兩個人不算大食未必食得完，店員好好人介紹全隻好大份會有剩，半隻就好，話上菜發覺不夠吃再點其他。最後點了薯粉三份+半隻雞煲。湯底有料有味有肉有菜，好味又好食，下次再來，開心。上芓前會有個調味盤比 你自選調味，我無呢個習慣，所以無用，但係個雞煲自己唔落咩都好好食。人唔算多，唔使book都可以，不過朋友有book到枱就方便好多，一黎就有位坐。近廚房，但係都唔邊窄，人來人往都唔會影響食欲，位置都算唔錯。…查看更多

為食Niki去搵好嘢食😋天氣凍好想去食麻辣雞煲但係得兩個人嘅時候又有咩好介紹呢？我覺得爺爺雞煲皇可以解燃眉之急👍🏻爺爺👴招牌雞煲（一隻$218, 半隻$158）我哋叫咗半隻，貪佢食完唔會太飽仲可以叫啲餸打邊爐🍲手切肥牛$138牛小排油花都好靚兩個人食份量啱啱好其餘仲叫咗餃子同飲品埋單差不多 $400每人$200我覺得價錢合理，食物相對起任食更有質素不過座位方面唔係坐得太舒服上菜速度亦略嫌有啲慢等嘅時間多過食嘅時間勝在凍嘅時候有個地方拍下拖打邊爐🍲…查看更多

食物一般,所以無影相,唔係放題每碟計$。（有位職員唔帶口罩上菜😑😑）3人行食咗約1：35分鐘啱啱食飽放低筷子撩緊牙，有位男職員同我哋講：請問埋單未，出面有客等緊，我哋覆佢等等，我哋望出街得2+2位等緊啫都要催客走，繼續飲緊嘢，唔夠5分鐘又來催埋單做手勢，我哋無理佢。催咗第3次就回應佢：就算食120分鐘放題都未夠鐘啦，仲要碟碟計$催我哋走。催客埋單無癮無下次。…查看更多

今次係第二次幫襯,第一次都係外賣自取既.但今次就有唔好既經驗.話說下午已去到落order左個羊腩煲,話大約6:30pm黎攞.到我去自取既時候已經打包好,忡有跟埋腐乳醬.所以當時冇係現場check下有冇錯.點知返到屋企打開就發現佢搞錯左,變左辣雞煲.由於屋企人唔食得辣,於是打去同佢講整錯咗,要求佢送番過黎.我係住樂富,車程唔約15分鐘左右.點知佢地話好忙冇人手送,要求我照食,下次再黎食果時補番差價, 又或者自己落黎換...於是我只好飛的落去換番,去到仲有空枱,唔似亞姐話冇人手....仲要佢地冇任何表示或補償番比客人.所以我決定食完今次都唔會再光顧啦...我個人認為雖然我係外賣自取,但係如果係你地搞錯, 好應該補償番比客人,起碼至少要補償番的士錢比客人.....…查看更多

之前係新蒲崗成日都見到佢好多人食，尋晚終於約埋朋友黎試下呢間爺爺雞煲皇，一入去所有店員全部都好親切好好服務，值得一讚。😋😋我地叫左個龍鳳煲(雞+海鱔 , 半隻雞量) 煲，因為怕辣所以叫左BB辣，一黎就勁香，估唔到半量都有好多🐓雞同鱔，我地3人食份量就一流，辣味點到即止，啱曬我呢啲唔食得辣既朋友，雞肉夠嫩， 而鱔有走過油， 所以都好好食，淨係食呢個都覺得好正 🌻🌻🌻🌻🌻不過，我地都有叫左少少其他邊爐配料，雞煲之後配火鍋先係完美組合，佢火鍋食品都多選擇，但不得不提所有食材都好新鮮，正呀🌻🌻🌻🌻店員全部都好細心，不時會幫我們火鍋「隔油」，又幫我地搞動鍋底以免痴底，真係超水準服務級數。👍🏾…查看更多

好耐冇食雞煲喇一大班朋友黎到爺爺雞煲皇預早打電話去留位 安排咗樓上既大房比我地私隱度高 岩曬一班人wee哇鬼叫我哋叫左一煲辣 一煲唔辣一上菜就到兩煲嘅醬汁都係好濃郁惹味 酒味好香依到嘅餐牌款式選擇多小食樣樣都好吸引呀 我地揀咗雞軟骨 午餐肉 魷魚鬚特別欣賞佢哋嘅炸物 炸得香脆就嚟又唔重油益味 而主菜雞煲 食得出味道好新鮮 肥瘦適中吸收咗醬汁嘅蒜頭同洋蔥我都食唔停口打邊爐方面我哋叫左牛頸脊同肥牛 牛小排依到嘅肉類份量超充裕 一班人食到飽飽都仲有淨特別推介自家製響鈴 真係食得出有分別非常香脆咸蛋黃墨魚滑 放左入去啲咸蛋同墨魚滑好自然咁解左體 所以係各有各食嘅 但係墨魚滑超級鮮嫩 真係好好食我地叫左太多野食 不能盡錄喇整體來講 依間雞煲最吸引之處就係食物款式非常之多可以滿足晒所有人嘅口味不過唯一可惜就係飲品唔包任飲嘅…查看更多

我地兩人，叫左一隻雞，同兩樣小食仲叫左支雪花啤酒。1，雞又滑又入味個湯低都好濃2， 柚子蜜丸子好隨口彈牙3， 雞軟骨個色炸得不錯但較為 鹹左d，反到屋企係咁飲水4，支雪花啤酒$15係幾低，比成其他飲品較為好又平最後想講唔打邊爐係佢太多野都係雪藏包裝連飲品都係太無誠意又貴。…查看更多

星期六的晚上到新蒲崗爺爺雞煲王，訂咗位好快有得入去坐。地方寬敞，今次坐樓上好舒服。爺爺招牌雞煲 小辣（$218）雞件非常惹味配上芹菜和芫荽。少少麻，小小辣味道很好。不過有點美中不足的是雞件唔夠滑，份量也沒有很多。手切牛頸脊（$198 ）份量夠多，肉質鮮嫩，好味。自家製響鈴（$38）完全唔識咋，上菜時仲熱辣辣，只是碌左幾秒，食落去仲係脆卜卜。頂級午餐肉（$38）又係冇得頂熱辣辣脆卜卜，外脆內軟非常香。雙拼鮮蝦雲吞魚皮餃（$48）每樣各四粒，冇咩特別豆苗（$30）可能今日係星期六好早已經冇曬皇帝菜同唐蒿，不過佢有豆苗都好少有，鮮甜仲叫咗其他配菜，味道正常沒有什麼特別。香港有好多雞煲餐廳，整體來說，呢間都可以話係突圍而出，因為佢個汁好惹味又夠香值得一試。…查看更多

^<爺爺雞煲皇>^ 💋 美味四式: 好味😀.晨早出現係新蒲崗想搵早餐食。見到個餐廳名以為咁早有雞煲食，點知原來都有港式早餐! 喜歡早餐A的我就衝入去試喇。.話明港式早餐，一定有我至愛腸仔，太陽蛋，再加沙爹牛肉米。 佢個太陽蛋煎得唔錯， 真係會流心嘅，平時好多餐廳都都煎到過熟架。 其他就正正常常啦。 個沙爹牛肉料都幾足嘅，牛又唔會好靱。.📢 提提你:. 都無乜特別好提😂 有興趣可以試下…查看更多

無論幾時食飯都記得要book枱。但係唔知點解book左枱都要等。。四男一女食左好多野，$218手切肥牛，我覺得好食過牛頸脊。我覺得好好食既有牛栢葉、鵝腸、頂級午餐肉。牛栢葉十分爽口，鵝腸肥美，不過要小心唔見左。頂級午餐肉，係新鮮炸出黎，所以唔洗放入煲都好好食。蟹子墨魚滑，好好呀！佢唔焦只係個面有蟹子，墨魚滑入面都有好蟹蟹子。所以之後的每一粒墨魚滑都是蟹子墨魚滑。唔太好食既有豬腸。十分唔好食既有自家製響鈴，響鈴我覺得大家平時屋企打邊爐買到既響鈴重好會過佢既自家製響鈴。可能是做好左好耐好耐既關係吧！墨釀油炸鬼，係好味的，但我覺得要再多些墨魚滑比較會有更大我口感會好些。新鮮做出黎，係會好脆口，但我會覺得要好似響鈴和炸魚皮既食法一樣，要放一放入煱，之後先食。…查看更多

唔係來呢度食雞煲, 純粹lunch random行咗入去食飯, 環境唔錯, 唔會太嘈太迫! 佢嘅碟頭飯又幾好食㗎喎! 我叫咗個枝竹牛腩飯, 仲有湯飲! 都好足料! 最怕呢類飯勁多醬汁變成頹飯, 呢度就啱啱好喇, 唔多唔少好過普通茶記! 有機會再去食先!…查看更多

呢間出名食雞煲，無諗過晏就碟頭飯，無論係價錢同食物味道同樣吸引，令我胃口大開，下次去新蒲崗食晏都會黎呢間試其他野食呢！員工服務方面令客人覺得好窩心，好舒服，會主動幫助客人，抵讚！京都豬扒飯 ($38 - 唔連野飲) : 首先講醬汁，顏色吸引，味道調配得不錯，雖然陳醋味道並唔重，但酸度甜度適中，令人食指大動。份量方面，岩岩好，足夠可以送到一碟飯。具體黎講，味道好似薑味唔濃既豬腳薑。豬扒方面，份量幾多，有6舊，肉質軟淋，唔多肥肉，唔重梳打分味，好食。白飯軟硬度做得恰到好處，煙un軟熟，粒粒分明，並唔會有一大舊痴埋既情況。值得一讚既係京都豬扒同飯係分開上，令客人可以自行決定加幾多醬汁黎送飯，可以避免醬汁過多，令客人食滯既情況。…查看更多

同屋企人又去左新蒲崗搵野食，呢間之前經過好多次，見是日午餐唔岩口味冇食到，今日下午經過見到岩食同埋餐廳入面差唔多滿座估應該okay，所以就入左黎試。👍🏼餐廳環境幾闊，擺枱位置唔會迫，坐得幾舒服，而且店內有洗手間。👍🏼呢日都幾多選擇，花左啲時間去揀，店員見我地好煩惱揀食咩，主動介紹有咩好食。干炒叉燒公仔麵：👍🏼本身係油麵，但賣哂改做公仔麵，店員落單嘅時候都有溫馨提示改左餐單。上枱時出煙，麵質硬度適中，幾好食，唔淋身，味道夠，帶少少甜，份量適中。叉燒淋身，夠味，厚度同份量適中。跟餐有湯送，平時出街唔會特別飲湯，所以冇試到，但屋企人話幾好。京都豬扒飯：👍🏼單叫嘅，份量多，有5-6條豬扒(每條大約兩隻手指拍埋嘅闊度）。熱辣辣嘅，味道又甜又酸，幾好食，唔太油，送飯一流，而且飯粒硬身少少，我個人好喜歡。魚柳煙肉茄汁焗飯：👍🏼魚柳唔係用炸漿粉炸，而係用雞蛋煎魚柳，第一次禁樣食，幾好味，魚柳厚度適中，幾滑。用炒飯底，幾好。會有蕃茄，洋蔥等嘅配菜。🙆🏻‍♀️可以再焗耐少少，因食唔到焗芝士嘅香味。雞蛋炒飯底，炒得唔夠乾身，油左少少。茄汁味我個人唔夠，所以要另加茄汁。自己唔食煙肉，所以冇試到，但原來煙肉可以改做腸仔，餐牌有寫，自己睇漏左。👍🏼跟餐叫左熱檸水，有4片檸檬，幾好，味道正常。整體感覺，食物質素幾好，服務好，環境舒服，會再光顧。…查看更多