三文魚厚切到好似扒咁，油脂分布靚到發光；帶子超大粒，入口即化嘅鮮甜，赤蝦仲要係原隻上，爽口彈牙！最驚喜係有海膽，金黃色睇落好新鮮，入口creamy冇苦味，仲有吞拿魚腩、鱲魚、三文魚子... 成個組合豐富到呢～
醋飯都做得唔錯，醋味溫和，飯粒軟硬適中，同刺身好夾。值得一提係佢哋嘅wasabi係用真・山葵磨成，唔會攻鼻但夠香，加分！
份量方面，女仔可能兩個人share都夠食，因為真係多到誇張！性價比超高～ 隔離枱見到我叫呢個丼，即刻跟單添！
如果想喺港島區食個高質又抵食嘅刺身丼，究極堂絕對係隱藏版好選擇！記得預時間排隊，因為真係幾旺場㗎～
1
2
