唯一雲貴川風味

营业中

休息中

行開荃灣，肥仔介紹話呢間好食。出面勁多人排隊，其實我唔餓既就等左陣，阿姐已經叫我地落定單先，等左陣有搭門口既枱🙈我叫左酸辣豬脷豬膶，肥仔就麻辣肥豬腩肉豬膶再被我迫佢加左豬面肉（原來係豬耳仔囉🙄）豆漿有支裝，肥仔當然又係飲可樂。一黎碗米線我變左大口仔，肥仔果然係肥仔，咁油都面不改容⋯⋯佢見我撩撩下想整走啲油，點知隔離位就有兩個識途老馬叫少油仲可以多青🙄。辣又唔辣酸又唔酸我一路食一路以為佢俾錯我，湯其實好咸，我好少可浪費無食晒但真係太油喇（肥仔食晒，太油滑腸咪下午成日想擺堆堆囉）。菜呢，無油既又細碟仲唔平。地方好窄，仲多兩個喼神搭枱個大喼塞住個大門口，我連走都出唔到去。