去到屯門咁遠,當然要順便去三聖食個海鮮餐啦~
呢間棠記海鮮小廚都幾大間,而且拎海鮮嚟加工明碼實價,唔怕糊里糊塗唔知要俾幾錢~
上湯龍蝦個龍蝦肉好爽,而且個蒜蓉汁好香~
本來諗住加個伊麵底撈埋啲汁,但侍應姨姨超好人,佢話另叫個干燒伊麵仲抵過你加個伊麵底呀!
所以我哋就叫咗個干燒伊麵嚟撈埋啲汁,完全唔浪費,好味到lam lam脷~
清蒸鮑魚只係簡單加少少陳皮喺上面蒸~
鮑魚蒸到僅僅熟,唔會過老而變韌~
豉椒炒蜆一上檯已經好吸引,因為非常香,而且有鑊氣!
啲蜆仔沾滿咗豉椒嘅香味,連啲洋葱同紅椒都好甜好好食~
只係整體稍為鹹少少,如果用嚟送飯就一流~
原本諗住用嚟撈汁而已,但其實干燒伊麵本身都好好食~
個伊麵好彈牙,而且唔似一般食到嘅一係太油一係太濕,味道剛剛好,唔撈汁食都夠味~
食飽飽就一路沿海邊行去黃金海岸,沿路見到咖啡灣黃金泳灘啲水都好清,可能因為封晒無人去🙈
希望夏天到之前可以開返俾人落水消消暑啦~
