棠記海鮮小廚

营业中

休息中

屯門站📍棠記海鮮小廚-海鮮不嬲係女朋友摯愛，只要唔洗佢動手😹今次去屯門三聖食下海鮮🦐豉油皇大蝦蝦肉彈牙爽口，好鬼大隻，好惹味！食幾隻都飽飽地，成碟係女朋友ko晒，一個人食7-8隻😎海鮮加工費$75。（我係負責剝蝦個個🥲）豉椒炒蜆大大碟炒蜆一上台已經好快被ko😹最緊要係一粒沙都冇！醬汁惹味，蜆肉唔算太細粒。菠蘿咕嚕肉呢個菠蘿🍍同咕嚕肉係分開，咕嚕肉肥瘦均勻，醬汁爆滿成舊肉，唔厚粉😍😍啖啖肉我至愛。菠蘿有燒過下，新鮮菠蘿好鮮甜😋蒜蓉白菜仔呢個時勢食菜真係好鬼貴，份量唔算太多，白菜仔炒得香。環境方面，呢間唔係酒樓，係小店，整體都企理衛生、光猛。