影片
更多
2025-07-17
23 浏览
今次去左奧海城二期「樂天經典」食佢地嘅經典自選二人餐，呢期仲可以再加$1升級海南雞，份量多到三個人都夠食，性價比超高。黃金魚皮鹹蛋黃香氣撲鼻，魚皮炸得酥脆唔油膩，每塊都沾滿金黃蛋黃碎，鹹香惹味到停唔到口，邪惡到一個點。辣椒螃蟹（配炸刀切小饅頭）螃蟹係用肉蟹，個鉗好大，啖啖肉，鮮甜到不得了。辣椒汁用左番茄+辣椒膏，甜辣平衡得啱啱好，唔會好辣，易入口。炸小饅頭點滿醬汁食，外脆內軟吸盡蟹鮮，淨係個醬汁已經可以撈三碗飯。 金銀蛋浸時蔬用皮蛋+鹹蛋黃煮成濃郁湯底，莧菜好入味，好清甜。咸蛋黃香滲透菜葉，簡單但好舒服，中和辣椒蟹嘅濃味。 蝦味魚子蝦球炒飯，飯粒用蝦油炒至金黃，蝦膏香味超濃郁。大蝦彈牙，魚子卜卜脆增加口感，撈埋辣椒汁更惹味。$1 新加坡海南雞超抵食！雞肉嫩滑無骨，份量超多，皮下啫喱膠質好滑，多重口感，超好味。 清心丸綠豆爽係一款潮式糖水。綠豆煮到起沙，清心丸煙韌有咬感，唔太甜，非常解膩。 檸檬薏米水薏米煲到冧晒，檸檬片清新，微酸解辣去濕，好解暑。
今次去左奧海城二期「樂天經典」食佢地嘅經典自選二人餐，呢期仲可以再加$1升級海南雞，份量多到三個人都夠食，性價比超高。
黃金魚皮鹹蛋黃香氣撲鼻，魚皮炸得酥脆唔油膩，每塊都沾滿金黃蛋黃碎，鹹香惹味到停唔到口，邪惡到一個點。
辣椒螃蟹（配炸刀切小饅頭）螃蟹係用肉蟹，個鉗好大，啖啖肉，鮮甜到不得了。辣椒汁用左番茄+辣椒膏，甜辣平衡得啱啱好，唔會好辣，易入口。炸小饅頭點滿醬汁食，外脆內軟吸盡蟹鮮，淨係個醬汁已經可以撈三碗飯。
金銀蛋浸時蔬用皮蛋+鹹蛋黃煮成濃郁湯底，莧菜好入味，好清甜。咸蛋黃香滲透菜葉，簡單但好舒服，中和辣椒蟹嘅濃味。
蝦味魚子蝦球炒飯，飯粒用蝦油炒至金黃，蝦膏香味超濃郁。大蝦彈牙，魚子卜卜脆增加口感，撈埋辣椒汁更惹味。
$1 新加坡海南雞超抵食！雞肉嫩滑無骨，份量超多，皮下啫喱膠質好滑，多重口感，超好味。
清心丸綠豆爽係一款潮式糖水。綠豆煮到起沙，清心丸煙韌有咬感，唔太甜，非常解膩。
檸檬薏米水薏米煲到冧晒，檸檬片清新，微酸解辣去濕，好解暑。
张贴
