地點：上環文咸東街
菜式：上海菜
餐牌：生煎包類、新品推介、皇牌套餐、菜飯類、湯麵類、拌麵類、蟹粉類、小食類、涼拌類、小籠包類、飲品。落單掃QR code。
麻醬青瓜雞絲粉皮 $45
麻醬青瓜雞絲粉皮好大碗。粉皮份量最多，真係透明，算好薄！加有成左山嘅幼條青瓜絲同雞絲，面頭加上白芝麻粒。可以叫麻醬另上。
糖醋炸排骨 $30
糖醋炸排骨一開7大件入口size，熱辣辣上枱，炸得外脆內嫩，糖醋味夠，味道酸酸甜甜好醒胃，面頭灑上白芝麻粒。
呢度都有豆漿送，豆漿夠濃厚滑溜，豆味剛好又唔太甜。
除咗生煎包，呢度其他食物質素都唔錯，價錢實惠冇加一。座位有15個左右，一眼睇哂，平日午市好滿。
