影片
更多
2023-04-23
28 浏览
成日見到有人拎住呢間台灣豆乳店嘅鮮芋泥豆乳打卡，想試好耐但未有機會，今次過嚟幫襯，見到有新推出嘅紫麻糬系列，仲有糖水、小食選擇，一次過買咗二百幾蚊，外賣返屋企同屋企人分享。晚上六點幾去到，有唔少等拎外賣同堂食嘅人，點餐、取餐櫃檯上方吊有幾部電視播放產品影片，等候途中可以望吓。餐廳開放式設計，無四面牆圍住，木枱木凳、仿草坪地氈、仿真植物，顏色清新自然，雙眼望落去係舒服嘅，有啲似去咗公園。餐廳用咗小男孩同小卡通做主題，增強咗餐廳嘅故事感。同時餐廳鼓勵客人自己處理食剩食物，揼落垃圾桶。紫麻薯豆乳 $53新推出嘅紫麻糬系列出咗四款甜品加飲品，呢款紫麻糬豆乳樽仔外型幾靚，入口每啖都有紫麻糬、紫米，口感綿糯、煙韌，豆漿唔太甜，豆味濃！鮮芋泥豆乳$32網上見到好多人飲呢枝，見到標示今期銷量冠軍，所以要試吓，豆漿一樣豆味較濃，唔太甜，芋泥佔飲品三分之一，好綿！多芒楊枝甘露 $48勁多芒果粒、碌柚肉、西米，比例多過糖水底，甜味主要嚟自生果，係自然嘅果甜，好好味！蕨餅丸子$45好有滿足感嘅一個甜品，有齊晒我鍾意食嘅蕨餅、Q彈嘅丸子、芋圓，材料又係多到塞爆盒，食到糖水底有黑糖味，一開始撈勻食會較好！超強芝士
晚上六點幾去到，有唔少等拎外賣同堂食嘅人，點餐、取餐櫃檯上方吊有幾部電視播放產品影片，等候途中可以望吓。餐廳開放式設計，無四面牆圍住，木枱木凳、仿草坪地氈、仿真植物，顏色清新自然，雙眼望落去係舒服嘅，有啲似去咗公園。餐廳用咗小男孩同小卡通做主題，增強咗餐廳嘅故事感。同時餐廳鼓勵客人自己處理食剩食物，揼落垃圾桶。
紫麻薯豆乳 $53
新推出嘅紫麻糬系列出咗四款甜品加飲品，呢款紫麻糬豆乳樽仔外型幾靚，入口每啖都有紫麻糬、紫米，口感綿糯、煙韌，豆漿唔太甜，豆味濃！
鮮芋泥豆乳$32
網上見到好多人飲呢枝，見到標示今期銷量冠軍，所以要試吓，豆漿一樣豆味較濃，唔太甜，芋泥佔飲品三分之一，好綿！
多芒楊枝甘露 $48
勁多芒果粒、碌柚肉、西米，比例多過糖水底，甜味主要嚟自生果，係自然嘅果甜，好好味！
蕨餅丸子$45
好有滿足感嘅一個甜品，有齊晒我鍾意食嘅蕨餅、Q彈嘅丸子、芋圓，材料又係多到塞爆盒，食到糖水底有黑糖味，一開始撈勻食會較好！
超強芝士醬木棉豆腐$38
一口豆腐炸到表面金黃色，實際質感軟淋淋，有胡椒粉調味，另外提供芝士醬配合一齊食！
拉絲炸蛋$38
粢飯外型好得意，係圓形嘅，裏面係芝士、蛋、肉鬆，覺得最好食係個飯本身，軟硬度適中，好有𡁻勁，最特別係加咗胡椒粉喺粢飯外面，好香！
张贴
