SOYmart by 豆乳狂人

D24榴梿系列之后就变左泰式奶茶系列✦牛油果吉列虾青瓜丝粢饭暂时系我食过最好味嘅粢饭之一！之前食过牛油果鳗鱼肉松果款，呢款都一样咁好味阿😍吉列虾炸得唔硬口感啱啱好，配埋牛油果、蛋、青瓜简直健康好味之选😊✦滋润之选冬天干燥，当然要滋润一下啦！面头就见到椰奶，中间配料就有三色芋圆、西米、桃胶、最后芋泥打底🤩啲桃胶仲好大旧㗎，好足料👍🏻✦泰奶仙草麻糬重头戏甜品！打开就见到块Lotus焦糖饼干浸系芝士奶盖度😍 额外配料仲有仙草、麻糬、西米、泰奶豆乳打底！另外仲有一盒饼碎俾你加入甜品到一齐食👏🏻好丰富，强烈推介必食！…查看更多

最强甜品店豆乳狂人又有新系列啦⸜(｡˃ ᵕ ˂ )⸝♡今次系泰式奶茶！咸食就有打抛猪！身为粉丝怎能错过～甜品叫咗「泰奶仙草麻糬」配料依旧澎湃～面头有𝙇𝙤𝙩𝙪𝙨焦糖脆饼+饼碎 再加层芝士奶盖 咸甜夹杂下底有齐豆乳麻糬、仙草、西米 配搭泰奶豆乳 口感同味道都层次十足 泰奶同豆香兼备！粢饭亦都好有惊喜 有打抛猪、酸辣猪颈肉两款微辣惹味 大嚿足料 真系粗过碌手臂哈哈ᕕ( ᐛ )ᕗ打抛猪有满满肉碎 好似将泰式生菜包塞咗入去咁猪颈肉𠮶款还原到肉嘅爽脆口感 仲有埋玉子 两款夹埋超脆嘅油炸鬼食都好正≧(´▽｀)≦…查看更多

豆乳狂人一向以豆花甜品同粢饭出名～最近刷到豆乳狂人新出嘅 泰奶豆乳系列，即刻被烧到🔥话晒系新品，梗系要去佢哋 荃湾旗舰店 亲自试下，结果真系泰有惊喜～。荃湾店仲特别增设咗堂食区，食完饭嚟食糖水、吹下水一流，
无论一个人慢慢叹定同朋友聚会都啱晒～🍮 今次试咗三款甜品饮品：🥣 鲜芋泥豆花（冻）走甜
豆花质感超滑，入口即化，豆香味明显但唔会太重。
芋泥好绵密，口感似冰冰凉凉嘅芋泥雪糕，唔腻口；我拣咗走甜，甜度啱啱好，食完都唔会有负担～🧋 泰奶芋圆豆花
呢个系今次新系列最大亮点！
泰奶味浓郁得嚟唔会死甜，豆花底滑溜、香气十足。上面仲有 Lotus焦糖脆脆＋三色芋圆，层次感超丰富～成个配搭意外地好夹，甜度刚好，啱晒钟意泰奶味但又怕腻嘅人！最贴心嘅系，佢仲附送一小盒Lotus饼碎，可以自己加落去，饮到最后都保持到香脆口感！🍵 8.6抹茶豆乳
抹茶香气浓郁，微苦中带甜，配上豆乳香气真系好match。
饮落顺口又唔厚重，饭后嚟一杯完全唔会滞，清新得嚟又带淡淡豆香～
每款都有自己特色，食得出店家嘅用心。
加上旗舰店环境打卡感强、气氛轻松，
甜品控一定要试，特别推荐泰奶芋圆豆花！💛…查看更多

今天行完街又买左几款甜品返屋企叹❤️🔹多芒杨枝甘露芒果味道浓郁，口感顺滑，入面有芒果果肉、西米同柚子肉。西米煮得刚好，柚子肉带少少苦味，令整体食起上黎唔会太甜腻。🔹超烟韧豆花配料确实好烟韧，珍珠、小丸子和芋圆都有咬口。豆花本身口感细滑，带淡淡既豆香。上面既奶盖系咸咸地，同甜味配料搭配一齐唔错。🔹奶盖芋泥小丸子豆乳杯底有绵密芋泥，同豆乳混合后味道好协调。奶盖口感轻盈，带点咸味。入面仲有小丸子，增加左饮用口感。呢几款甜品表现都唔错，材料搭配得合适，食起上黎感觉都几满足。…查看更多

见到豆乳狂人出新嘢，系泰国风味，仲有泰奶豆乳，而个人都几钟意泰奶，当然要试下叫左个「麻糬泰奶豆乳茶」，泰式奶茶个种茶胆涩香同豆乳嘅顺滑竟然好夹，茶味唔会抢咗豆乳个阵豆香，麻糬似融化紧嘅糯米糍，上面仲有焦糖脆饼碎，增添丰富口感另外试左多芒杨枝甘露同牛油果吉列虾青瓜丝粢饭。杨枝甘露个芒果粒好多，西柚肉好juicy，至于个粢饭真系好正，牛油果蓉夹住脆炸吉列虾同青瓜丝，个口感似食紧寿司卷但系粢饭版，早餐食完顶到 lunch 都得！…查看更多