慈素小聚

营业中

休息中

一直都知道尖沙咀有好多創新嘅素菜選擇，今次就試一試呢一間樓上舖，私隱度好高，而且環境都好乾淨。如果你哋一大group人上嚟仲有張大枱book添都坐到八至七個人！我係見到網上面呢一個素食三文魚拼盤，素菜仲可以做到咁栩栩如生，好似成篇三文魚刺身咁，好逼真好吸引，擺盤仲好靚添。呢款三文魚刺身個口感都好似真嘅三文魚，旁邊嘅鮑魚應該係用香菇去做，口感真係同真嘅鮑魚刺身好似。另外我哋重點多咗兩個煮食，首先琵琶豆腐，豆腐本身已經係素，佢個醬汁都係特調嘅，豆腐亦都炸得啱啱好，非常推薦。另外一個煮食就叫咗羊腩煲，真係好驚訝呢一間餐廳點樣將素菜玩到淋漓盡致，連素羊腩都真係有肉味！呢個羊腩煲就配搭咗南乳醬汁，鍾意食飯嘅朋友一定要點多一碗飯配醬汁去食。最後我哋都叫多咗個忌廉蘑菇濃湯佐菠菜，真係好推薦呢度一定要嗌佢哋嘅湯食，好cream好濃郁。