龍亭

最近去咗佐敦依間「龍亭」食高質鐵板燒Omakase，有幾款唔同套餐選擇，今次揀咗個$788價位嘅套餐，都已經有七道菜，好高CP值。*此餐廳收取加一服務費。珍稀廚師發板套餐七道菜（二人$1576），鐵板海鮮兩品，鮑魚肉質彈牙，配以蒜蓉醬食用，食落好香口；東星班肉質嫩滑，食落好新鮮，配以黑醋醬、蝶豆花海鹽泡泡食用，味道更佳。鐵板海鮮兩品（跟餐$0），扇貝肉質半生熟，配以黑以黑松露牛油食用，味道鮮甜；香煎帶子肉質食落帶有一絲絲口感，配料包括有魚子醬、意大利黃瓜。澳洲牛柳粒（跟餐$0），五成熟，牛柳肉質軟腍，食落好Juicy，配以烤蒜片、自家製手磨日式鮮芥末、竹炭鹽食用，牛味更加突出。宮城縣厚切黑豚扒（跟餐$0），黑豚扒肉質厚嫩，肉味濃厚、帶點焦香味道，脂肪部份入口即化，配料包括有櫻桃蘿蔔、白松露牛油醬、菠蘿醬，鮮榨菠蘿醬味道酸甜。2份黑松露海鮮炒飯（跟餐$0），大虎蝦肉質爽口，配以三文魚籽食用，雙重鮮味，炒飯飯粒口感粒粒分明、帶點焦脆，採用海膽醬、黑松露、蘭王蛋製作，好足料。2份招牌沙律（跟餐$0），表面鋪有魚子醬，煙三文魚帶點煙燻味道，略嫌肉質稍為熟透，配以沙律菜、黑醋食用，味道清新，配菜