影片
更多
2017-08-03
1662 浏览
Hello,好耐無見,我無放棄架,仍然無停口,跟下朋友四圍食!!!已經積咗好多貨未有時間同大家分享,最想最想先分享喺最近去咗「星記海鮮飯店」,中環地段,價錢合理而且好食~有誠意,唔hea,注意:呢個原則唔係間間食店都有!由於有個朋友喺呢間店嘅super fans,佢極力推介我哋聚會一定要試試,於是我哋一行4人(最佳食飯人數),仲帶咗兩枝酒,重點:呢間店喺唔收開瓶費~但麻煩大家都請自律,唔好當咗人哋店喺劈場我哋總共叫咗4個餸 ,分別係椒盬大尾魷、咕嚕肉 、蟲草花鮮荷葉蒸雞 (半隻)同上湯雲耳勝瓜浸豬潤 。我朋友因為時時去,食完成餐飯埋單就會送一個餸的優惠券,真係好正呀!我哋用張券叫咗椒盬大尾魷,炸得金黃香口,外脆內軟,絕對無因為係送嘅就揸流灘。而咕嚕肉就係朋友極力推介,粒粒無骨、啖啖肉!連另一位朋友一向唔好醋味濃的咕嚕肉都大膽一試,食完之後佢話:「嘩!呢個好唔同,唔係一味醋,個味較貼似中式牛柳咁!」對我嚟講最無咩特別會係半隻荷葉蒸雞,佢唔係唔好食,雞件都好滑好香,只係其他餸更加出色就好似壓軸介紹的上湯雲耳勝瓜浸豬潤 ,豬潤滑到不得了!厚身得黎爽脆兼滑,好耐未試過咁滑嘅豬潤,加埋上湯勝瓜立
由於有個朋友喺呢間店嘅super fans,佢極力推介我哋聚會一定要試試,於是我哋一行4人(最佳食飯人數),仲帶咗兩枝酒,重點:呢間店喺唔收開瓶費~但麻煩大家都請自律,唔好當咗人哋店喺劈場我哋總共叫咗4個餸 ,分別係椒盬大尾魷、咕嚕肉 、蟲草花鮮荷葉蒸雞 (半隻)同上湯雲耳勝瓜浸豬潤 。我朋友因為時時去,食完成餐飯埋單就會送一個餸的優惠券,真係好正呀!我哋用張券叫咗椒盬大尾魷,炸得金黃香口,外脆內軟,絕對無因為係送嘅就揸流灘。而咕嚕肉就係朋友極力推介,粒粒無骨、啖啖肉!連另一位朋友一向唔好醋味濃的咕嚕肉都大膽一試,食完之後佢話:「嘩!呢個好唔同,唔係一味醋,個味較貼似中式牛柳咁!」對我嚟講最無咩特別會係半隻荷葉蒸雞,佢唔係唔好食,雞件都好滑好香,只係其他餸更加出色就好似壓軸介紹的上湯雲耳勝瓜浸豬潤 ,豬潤滑到不得了!厚身得黎爽脆兼滑,好耐未試過咁滑嘅豬潤,加埋上湯勝瓜立即清咗,都對食咁多肉減去罪疚感~
埋單每人約$150,朋友話今次叫得太少餸,但其他人就話我哋夜開始食飯,4個餸加埋飯就剛剛好,仲要埋單有紅棗雪耳糖水送,真係除咗飲之外,好耐好耐無試過呢種全套中菜餐~我哋呢個朋友group講到明要每個月一聚~到時再試下其他餸,之後再同大家分享!最後最後都想話比大家知,呢間店係米芝蓮推介食府,親身去試試呢類型用心經營的店
张贴
