影片
更多
2020-12-13
229 浏览
成日聽朋友講立鮨啲壽司同刺身好好食，日日都見到好多人排隊，今次終於約到朋友一齊食啦喺門口可以拎定點餐紙剔自己想食啲乜，種類非常多，不過提提大家一定要睇餐牌留意期間限定同本月精選有啲乜，因為張點餐紙冇印，要睇餐牌架～餐廳環境唔算大，不過可以睇住廚師炮製料理，好有日本感覺，不過可能因為疫情關係，餐具都轉咗做即棄餐具，唔需要擔心衛生問題，野食都上得好快！我首先叫咗一個燒蝦頭（配鮮蝦味噌湯），勁勁勁好飲，成個湯都係濃郁嘅蝦味，食埋個蝦頭入邊啲蝦膏精華，簡直係我飲過最好飲嘅味噌湯，鍾意食蝦嘅朋友一定唔可以錯過之後叫咗個期間限定嘅桃太朗完熟蕃茄，好大好新鮮，個汁酸酸甜甜食落好開胃好醒神！刺身方面叫咗三文魚刺身、珍寶甘蝦同埋原隻活赤貝，一個字講晒：鮮！我自己就最鍾意赤貝，非常爽口！之後到今日嘅重點壽司啦！我同朋友叫咗火炙北海道帶子壽司、火炙左口魚邊壽司、火炙海膽蟹棒壽司、大吞拿魚腩壽司、北海道活象拔蚌壽司、芥辣八爪魚壽司、三文魚子軍艦同蟹肉蟹膏軍艦由於太多款我會介紹我自已最鍾意嘅3款～1.火炙左口魚邊壽司，左口魚邊入口即溶，大推！2.蟹肉蟹膏軍艦，見到飯上面嘅蟹肉同蟹膏已經知道不得了，蟹肉夠晒鮮甜
喺門口可以拎定點餐紙剔自己想食啲乜，種類非常多，不過提提大家一定要睇餐牌留意期間限定同本月精選有啲乜，因為張點餐紙冇印，要睇餐牌架～
餐廳環境唔算大，不過可以睇住廚師炮製料理，好有日本感覺，不過可能因為疫情關係，餐具都轉咗做即棄餐具，唔需要擔心衛生問題，野食都上得好快！
我首先叫咗一個燒蝦頭（配鮮蝦味噌湯），勁勁勁好飲，成個湯都係濃郁嘅蝦味，食埋個蝦頭入邊啲蝦膏精華，簡直係我飲過最好飲嘅味噌湯，鍾意食蝦嘅朋友一定唔可以錯過
之後叫咗個期間限定嘅桃太朗完熟蕃茄，好大好新鮮，個汁酸酸甜甜食落好開胃好醒神！
刺身方面叫咗三文魚刺身、珍寶甘蝦同埋原隻活赤貝，一個字講晒：鮮！我自己就最鍾意赤貝，非常爽口！
之後到今日嘅重點壽司啦！我同朋友叫咗火炙北海道帶子壽司、火炙左口魚邊壽司、火炙海膽蟹棒壽司、大吞拿魚腩壽司、北海道活象拔蚌壽司、芥辣八爪魚壽司、三文魚子軍艦同蟹肉蟹膏軍艦由於太多款我會介紹我自已最鍾意嘅3款～
1.火炙左口魚邊壽司，左口魚邊入口即溶，大推！
2.蟹肉蟹膏軍艦，見到飯上面嘅蟹肉同蟹膏已經知道不得了，蟹肉夠晒鮮甜，蟹膏味道相當香濃，兩者係絕配，滿分。
3.火炙海膽蟹棒壽司，蟹棒夠晒長同大條，火炙得好香，上面仲有成舊海膽，食落口感相當豐富，好惹味，其實其他壽司都好好食，冇一樣係伏。
之後不得不提大滿足海膽特盛，上枱嗰陣覺得個飯好似細咗少少，但食落發覺原來份量啱啱好！成個飯都鋪滿金黃色嘅海膽，真係啖啖飯都可以食到海膽，海膽超新鮮，一啲腥味都冇，$98簡直係超值。
最後仲叫咗一個甜品蜜瓜雪葩，超濃蜜瓜味，食完個口好清新，明明已經食到好飽，但都係食到停唔到口，呢餐用雪葩黎做ending 真係very good。
今次係我第一次挑戰立食，但完全唔覺得攰，而且啲嘢真係好好食，餐廳CP值超高，一定會再幫襯，食咗咁多嘢每人都係$400左右，正！
张贴
