影片
更多
2021-02-14
1542 浏览
12月時食過一次鴨大哥，覺得幾好食。今次爸爸生日，決定帶兩老黎試下。 早一日訂左位，初三12.30到，即時有位。 因為限聚令，餐廳俾左張大圓枱我地，2人坐一邊，中間有膠板，好似酒樓搭枱咁。 中間佢地好貼心咁放左個轉轉，大家可以有距離地share餸菜。 佢地地方唔算大，但每枱有距離，唔會太迫。4個人點左5道餐牌上既推介菜。（1）雙味龍鬚黃魚 ： 造型好靚，炸得好脆,個頭都食得晒。個酸甜汁我覺得濃味左少少。 其實佢都做得唔錯，係我個人鐘意松子魚多d. （2）荔枝咕嚕肉：肉質易咬，但味道同普通咕嚕肉差不多，係多左幾粒罐頭荔枝。 有點失望（3）蒙古式炒鴨崧： 用左孜然粉。賣相同味道都一般，不太突出。（4）海鮮鴨湯泡飯： 食左兩次都覺得好好味。湯係少少濃味，不過食完想再食。 yum yum（5）北京烤鴨 ：佢地個烤鴨好好食，唔會咬到一口油。 加上佢warm 住個皮，食到尾個皮都唔會凍晒硬晒。所有食物份量都算多。 鴨湯泡飯同烤鴨真心好味😋 餐廳服務不錯，侍應有禮貌，上菜都快。
早一日訂左位，初三12.30到，即時有位。 因為限聚令，餐廳俾左張大圓枱我地，2人坐一邊，中間有膠板，好似酒樓搭枱咁。 中間佢地好貼心咁放左個轉轉，大家可以有距離地share餸菜。 佢地地方唔算大，但每枱有距離，唔會太迫。
4個人點左5道餐牌上既推介菜。
（1）雙味龍鬚黃魚 ： 造型好靚，炸得好脆,個頭都食得晒。個酸甜汁我覺得濃味左少少。 其實佢都做得唔錯，係我個人鐘意松子魚多d.
（2）荔枝咕嚕肉：肉質易咬，但味道同普通咕嚕肉差不多，係多左幾粒罐頭荔枝。 有點失望
（3）蒙古式炒鴨崧： 用左孜然粉。賣相同味道都一般，不太突出。
（4）海鮮鴨湯泡飯： 食左兩次都覺得好好味。湯係少少濃味，不過食完想再食。 yum yum
（5）北京烤鴨 ：佢地個烤鴨好好食，唔會咬到一口油。 加上佢warm 住個皮，食到尾個皮都唔會凍晒硬晒。
所有食物份量都算多。 鴨湯泡飯同烤鴨真心好味😋
餐廳服務不錯，侍應有禮貌，上菜都快。
张贴