樂天皇朝 (青衣城1)

营业中

休息中

之前喺旺角雅蘭商場食過「樂天皇朝」，覺得幾好食。今日去開青衣城，原來都有分店，所以決定再幫襯，餐廳地方寬躺、舒適，食物質素依然高水準，冇令我失望。原味小籠包小籠包嘅皮做得夠薄，一口咬落去，香濃嘅肉汁就湧出來，肉餡夠新鮮，唔需要點任何醬汁，都覺得好好食。真係食到唔停到口，下次一定要叫10隻嘅份量。沙拉排骨香噴噴嘅沙拉醬鋪滿在排骨上，真係見到就想食。排骨份量很多，件件厚切，但一啲都唔靭，肉質夠腍。排骨只有一層薄薄嘅脆漿糊，但已經有香脆嘅口感，沾上了沙拉醬，能突出豬扒嘅肉味。蟹粉炒飯蟹粉鋪滿整碟炒飯，感覺十分超值，蟹膏味度香濃，炒飯夠乾身，跟蟹粉撈勻一齊食，鮮味十足。